Salmau 7 - Welsh Psalms 1-20 and selection of Ruth and Isaiah 1830-35 (Ioan Tegid)

Salm VII.Awdl grwydrol o eiddo Dafydd, yr hon a ganodd o herwydd geiriau Cws, fab Jemini.

1 Iehova fy Nuw, ynot yr ymddiriedais;

Achub fi rhag pob un a’m herlid, a gwared fi:

2Rhag y llarpio, fel llew, fy enaid;

Gan rwygo, pan na bo gwaredydd.

3 Iehova fy Nuw, os gwnaethum hyn,

Od oes gormes yn fy nwylaw,

4Os telais i’r hwn oedd heddychol â mi ddrwg,

A rhyddhau fy ngorthrymydd heb achos, —

5Erlidied y gelyn fy enaid, a goddiwedded;

Ië, sathred i’r ddaear fy mywyd;

A’m gogoniant pabelled yn y llwch. Selah.

6Cyfod, Iehova, yn dy ddig;

Ymddyrcha o herwydd llid fy ngorthrymydd,

A deffroa erof y farn a orchymynaist.

7Yna cyfarfod pobloedd a’th amgylchyna;

Ac erddynt i’r uchelfa dychwel.

8 Iehova a farn y bobloedd; — Barn fi,

Iehova, yn ol fy nghyfiawnder,

Yn ol fy mherffeithrwyd “sydd” ynof.

9Darfydded, atolwg, ddrwg yr annuwiolion;

Ond cadarnha di y cyfiawn:

Canys profwr y galon a’r arenau “Yw” y Duw cyfiawn.

10Fy ymddiffyn, ar Dduw “y mae,”

Achubydd yr uniawn o galon —

11Duw, barnydd y cyfiawn, a Duw digllon beunydd.

12Os na thry, ei gleddyf a hoga;

Ei fwa a anelodd, ïe, cyfeiriodd ef,

13Ac ato y cyfeiriodd arfau angeuol;

Ei saethau yn erbyn difrodwyr a lunia.

14Wele, ymddwg anwiredd;

Ië, beichiogodd ar ddrygioni, ac esgor ar gelwydd.

15Pwll a gloddiodd, ïe, dyfnhaodd ef;

Ond syrth i’r clawdd a wna.

16Try ei ddrygioni ar ei ben ei hun,

Ac ar ei goppa y disgyn ei gamwedd.

17Clodforaf, Iehova, yn ol ei gyfiawnder,

Ië, canmolaf enw Iehova goruchaf.