Salmau 11 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XI.I’r Pencerdd: eiddo Dafydd.

1Yn Iehova yr ymddiriedaf;

Podd y dywedwch wrth fy enaid

Ehedwch i’ch mynydd fel adar:

2Canys wele yr aunuwiolion a annelant fwa;

Parotoisant eu saeth ar y llinyn,

I saethu yn y tywyll yr uniawn o galon:

3Canys y sylfeini a ddymchwelant: —

Y cyfiawn, pa beth a wna?

4 Iehova “sydd” yn ei deml santaidd,

Iehova, yn y nefoedd “y mae” ei orsedd;

Ei lygaid a welant yr anghenus,

Ei amrantau a brofant feibion dynion.

5 Iehova a brawf y cyfiawn a’r annuwiol;

A charwr trawsder a gasâ ei enaid.

6Gwlawia ar annuwiolion farwor,

Tân a llosgfaen;

A chwythad poethwyntoedd a fydd ran eu cwpan.

7Canys cyfiawn “yw” Iehova,

Cyfiawnderau a gara;

Ar yr uniawn yr edrych ei wyneb.