Salmau 3 - Welsh Psalms 1-20 and selection of Ruth and Isaiah 1830-35 (Ioan Tegid)

Salm III.Cerdd o eiddo Dafydd, pan ffôdd o ŵydd Absalom ei fab.

1 Iehova, mor aml yw fy ngorthrymwyr!

Llawer a gyfodant i’m herbyn;

2Llawer a ddywedant am fy enaid —

Nad “oes” waredigaeth iddi yn Nuw. Selah

.

3Ond ti, Iehova, “wyt” darian o’m cylch,

Fy ngogoniant a dyrchafydd fy mhen.

4Fy llef “sydd” ar Iehova — galwaf,

Ac ateb fi o’i fynydd sanctaidd. Selah.

5Mi a orweddais ac a gysgais;

Deffroais, canys Iehova a’m cynhaliodd.

6Nid ofnaf rhag myrddiwn o bobl,

Rhai o amgylch a safant i’m herbyn.

7Cyfod, Iehova; gwared fi, fy Nuw:

Canys tarawaist fy holl elynion ar yr ên,

Dannedd yr annuwiolion a ddrylliaist.

8Eiddo Iehova y waredigaeth; —

Ar dy bobl “y mae” dy fendith. Selah.