Salmau 12 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XII.I’r Pencerdd: ar yr wythfed: cerdd o eiddo Dafydd.

1Achub, Iehova; canys darfu y trugarog;

Canys pallodd y ffyddloniaid o blith meibion dynion.

2Oferedd a lefarant bob un wrth ei gyfaill;

Gwefusau llyfnion! â chalon ddyblig y llefarant.

3Tyr Iehova holl wefusau llyfnion,

Y Tafod a lefaro fawreddau,

4Y rhai a ddywedant — ‘A’n tafod y gorfyddwn,

Ein gwefusau, ein heiddo “ydynt,”

Pwy sydd Lywydd arnom?’

5‘Am ddifrod y gorthrymedig, am ochain y tlodion,

Yn awr cyfodaf,’ medd Iehova,

‘Gosodaf mewn diogelwch a chwyther ato.’

6Geiriau Iehova, geiriau pur “ydynt,”

Fel arian a goethwyd mewn tawddlestr pridd,

A doddwyd seithwaith.

7Ti, Iehova, a’u cedwi hwynt;

Diogeli ni rhag y genedl hon dros byth.

8O amgylch yr annuwiolion a rodiant,

Pan dderchafer gweddillion ar feibion dynion.