Psalms 93 - Die Boodskap

1Die Here regeer! Sy grootheid en krag is vir Hom soos sy klere.

Kyk hoe vas staan die wêreld, ’n mens kan dit nie sommer rondstoot nie.

2Maar die Here wat oor alles heers, staan nog vaster, want Hy is van altyd af daar.

3Kyk na die see; dit druis en die golwe slaan, o Heer,

maar wat is dit in vergelyking met U?

4Die Here is groter as die grootste golwe en magtigste gedruis.

Sy krag oortref alles, net mooi alles!

5Niemand kan verander wat die Here wil hê nie. Dit staan vas.

Die grootheid en andersheid van die Here oorweldig jou. Jy sien dit in sy woonplek.

Dit is nou so, o Here, en dit sal altyd so wees.