Tihlabelelo 123 - Siswati 1996 Bible（SWT）

Umthandazo wekucela sihawuIngoma yekuya emikhosini.

1 Ngiphakamisela emehlo ami ngakuwe,

wena lohleti ebukhosini bakho ezulwini.

2Yebo, njengobe inceku

yencike enkhosini yayo,

nanjengobe umzanyana

encike kumphatsi wakhe,

natsi-ke sincike kuSimakadze,

longuNkulunkulu wetfu,

aze abe nesihawu kitsi.

3Sihawukele, Simakadze, sihawukele,

ngobe sesiphetfwe ngensila,

kwaze kwendlula.

4 Umphefumulo wetfu ukhatsele kakhulu

kweyiwa ngulabanjingile,

nakwedzelelwa ngulabatigabatisako.