Tihlabelelo 53 - Siswati 1996 Bible（SWT）

Bulima nekukhohlakala kwemuntfu(Hla. 14:1-7)Sihlabelelo saDavide lesiyimaskili; setfulwe kumhlabelisi kutsi sihlatjelwe ngendlela letsi: “Mahalathi.”

1 Silima sikhuluma enhlitiyweni yaso sitsi:

“Kute Nkulunkulu la.”

Babi, benta emanyala,

kute nome munye lowenta lokulungile.

2Nkulunkulu utsi asezulwini

abe abuka bonkhe bantfu,

kuze atewubona kutsi ukhona yini

umuntfu lohlakaniphile,

nome munye nje, lofuna Nkulunkulu.

3Bonkhe bedukile, bonkhe bonakele,

kute lowenta lokulungile;

kute, kute ngisho nome munye.

4Pho, bate yini lwati

labantfu labenta lokubi?

Badla bantfu bami

kube shangatsi badla sinkhwa,

bangathandazi nakuNkulunkulu.

5Bayawufikelwa kwesaba lokukhulu,

besabe ngisho nelite.

Ngobe Nkulunkulu uyawasakata

ematsambo alabo labakuhlaselako,

uyawubahlazisa,

ngobe Nkulunkulu wabadvuba wabalahla.

6 Shangatsi ingavela eSiyoni

insindziso yesive saka-Israyeli.

Mhlazana Nkulunkulu

acedza lusizi lwebantfu bakhe,

aphindze abahlumelelisa,

Jakobe uyawujabula,

Israyeli atfokote.