1Kwandile kwavakala ukuba kukho umbulo phakathi kwenu; ngumbulo ke lowo ongazanga ukhankanywe naphakathi kweentlanga, owokuba uthile abe nomfazi kayise.
2Ke nina nithe nasuka nazidla, nesuka nenze isijwili, ukuze asuswe kuni lowo uyenzileyo le nto.
3Kuba okunene mna, ndingekho nje okunene ngesiqu, ndikho ngomoya;
4Egameni leNkosi yethu uYesu Kristu, xa nithe nahlangana ndawonye nomoya wam, ngokwamandla eNkosi yethu uYesu Kristu,
5ukunikelwa onjalo kuSathana, ukuba inyama itshatyalaliswe, ukuze umoya usindiswe ngemini yeNkosi uYesu.
6Iqhayiya lenu alilungile. Anazi na, ukuba igwele elincinane liyayibilisa intlama iphela?
7Likhupheni ngoko kuthi tu igwele elidala, ukuze nibe yintlama entsha, ekubeni ningabangenagwele. Kuba ipasika yethu ubingelelwe thina nguKristu;
8Ngoko ke masiyenze umthendeleko, kungengagwele elidala, negwele lobubi, nelokungendawo; kodwa ngezonka ezingenagwele zokunyaniseka nenyaniso.
9Ndanibhalela encwadini ukuba maningazidibanisi nabahenyuzi;
10Kodwa ke kungabi ngoku kwanehlabathi elihenyuzayo, nokubawa, nabaphangi, nabakhonza izithixo; kuba oko nimelwe kukuthi nimke ehlabathini.
11Kungoku ke ndinibhalela ukuba maningazidibanisi nosukuba enegama lokuba ngumzalwana, ukanti wenza umbulo, nokuba ulibawa, nokuba ungumkhonzi wezithixo, nokuba ungumtshabhisi, nokuba ulinxila, nokuba ungumphangi; Maningatyi nonjalo.
12Ndinamsebenzi mni na ukuba ndigwebe nabangaphandle? Anigwebi abangaphakathi na?
13Ke abangaphandle bagwetywa nguThixo. Ize nimnyothule kuni nina lowo ungendawo.
Who We AreWhat We EelieveWhat We Do
2025 by iamachristian.org,Inc All rights reserved.
