Baefese 5 - The New Testament in Sotho（SothoNT）

Baefese 5

1Ka moo he, nnang baetsi ba Modimo, jwaloka bana ba ratehang;

2Le tsamaye leratong, jwalokaha Kreste le yena a re ratile, mme a ikgafa bakeng sa rona, hore e be nyehelo le sehlabelo se monko o monate ho Modimo.

3Empa ha e le bofebe, le ditshila tsohle, le takatso ya moruo, ho se ke ha bolelwa le ka mohla hara lona, kamoo ho tshwanelang bahalaledi kateng;

4Leha e le ditshila, le puo ya bowatla, leha e le mesoaso, tse sa tshwanelang, empa ho mpe ho be le teboho.

5Hobane le a tseba hore ha ho sehlola, leha e le ya ditshila, leha e le motho ya meharo, e leng morapeli wa medimo ya bohata, ya nang le kabelo mmusong wa Kreste le Modimo.

6Ho se be motho ya le thetsang ka dipolelo tsa lefeela;

7Ka baka leo, le se ke la ba le kabelo le bona.

8Hobane le kile la ba lefifi, empa jwale le lesedi Moreneng;

9(Hobane tholwana ya Moya ke molemo wohle le ho loka le nnete;)

10Le lemohe se khahlisang Morena.

11Le se ke la kopanela mesebetsing e sa beheng ea lefifi, le mpe le e nyatse.

12Gobane tše di dirwago ke bona sephiring ke dihlong.

13Empa tsohle tse kgalemelwang di bonahatswa ke lesedi;

14Ke ka baka leo ho thoeng: Tsoha, uena ea robetseng, u tsohe bafung, ’me Kreste o tla u bonesetsa.

15Iponeleng hore le tsamaya ka kelello, e seng jwaloka mawatla, e mpe e be jwaloka ba bohlale.

16Le lopolle nako, hobane matsatsi a khopo.

17Ka baka leo, le se ke la ba mawatla, le mpe le utlwisise seo e leng thato ya Morena.

18Le se ke la tahwa ke veine, moo bohlola bo leng teng; le mpe le tlale Moya;

19le bue le lona ka dipesaleme, le ka dithoko, le ka dipina tsa moya, le binele Morena, le mo rorise ka dipelong tsa lona;

20Le ntse le leboha kamehla Modimo Ntate ka baka la tsohle, ka lebitso la Morena wa rona Jesu Kreste.

21Le ikokobeletse e mong ho e mong ka ho tshaba Modimo.

22Lona basadi, le ikokobeletse banna ba lona, jwalokaha le ikokobetsa ho Morena.

23Hobane monna ke hlooho ya mosadi, jwalokaha Kreste e le hlooho ya kereke, mme ke Mopholosi wa mmele.

24Ka baka leo, jwalokaha kereke e ikokobeletsa Kreste, basadi le bona ba ikokobeletse banna ba bona jwalo nthong tsohle.

25Lona banna, ratang basadi ba lona, jwalokaha Kreste le yena a ratile kereke, mme a itela ka baka la yona;

26hore a tle a e halaletse, a e hlwekise ka hlatsuo ya metsi ka lentswe;

27e le hore a tle a itlhomele phutheho e khanyang, e se nang letheba, kapa lesokoana, leha e le ntho e joalo; empa e tle e be e halalelang, e se nang sekodi.

28Ka mokgwa o jwalo banna ba tshwanetse ho rata basadi ba bona jwaloka mmele ya bona. Ea ratang mosali oa hae oa ithata.

29Hobane ha ho motho ya kileng a hloya nama ya hae; empa o a e fepa, a e baballe, jwalokaha le yena a etsa kereke;

30Hobane re ditho tsa mmele wa hae, re nama ya hae, le masapo a hae.

31Ka lebaka lena monna o tla tlohela ntatae le mmae, a kgomarele mosadi wa hae, mme bao ba babedi e tla ba nama e le nngwe.

32Sephiri sena ke se seholo, empa ke bolela tsa Kreste le tsa kereke.

33Leha ho le joalo, e mong le e mong oa lōna ka ho khetheha a rate mosali oa hae joalokaha a ithata; le mosadi a hlomphe monna wa hae.