Salmau 100 - Welsh Selection of Psalms by Lewis Valentine 1936

SALM CSALM DIOLCHGARWCH.

1Bloeddiwch i Iehofa, yr holl ddaear.

2Addolwch Iehofa yn llawen,

Ewch o’i flaen gan seinio cân.

3Cyffeswch mai Iehofa sydd Dduw.

Ef a’n gwnaeth, a’i eiddo Ef ydym,

Ei bobl Ef a defaid Ei borfa.

4Deuwch i’w byrth â diolch,

I’w gynteddau â mawl.

Diolchwn iddo, bendithiwch Ei enw.

5Canys da yw Iehofa,

Am byth y pery Ei gariad,

A’i ffyddlondeb drwy bob cenhedlaeth.

salm c

Salm a genid pan offrymid yr aberth-diolch yn y Deml, ac yn ddiau wedi ei chyfansoddi ar gyfer hynny.

Nodiadau

1—3. Galwad i addoli Iehofa â chân a miwsig yn Ei Deml. Holl dir Israel a feddylir wrth “yr holl ddaear”. Ef a wnaeth Israel yn bobl briod iddo Ei hun. Y mae “A’i eiddo Ef ydym” yn well na “ac nid ni ein hunain”.

Ffigur cyffredin yn y Salmau ydyw Iehofa fel bugail Israel, Salm 23; 74:1; 79:13.

4, 5. Efallai mai ystyr “diolch” yn 5 ydyw aberth diolch. Prif byrth y Deml a feddylir, sef Porth y Gogledd, Porth y Dwyrain a Phorth y De.

Pan gysylltir ‘da’ â Duw, ei ystyr yw ‘caredig’.

Pynciau i’w Trafod:

1. Meddyliwch am brudd-der llawer o’n hemynau ni heddiw. Onid oes lle i fwy o emynau o natur y Salm hon?

2. Pa gyswllt sydd rhwng y dôn “Yr Hen Ganfed” ar Salm hon?

A ydych yn ystyried mydryddiad Edmwnd Prys or Salm hon yn un hapus (gwel Emyn 191 yn y Llawlyfr Moliant)?

Onid emynau o’r natur yma sydd fwyaf addas i addoliad cyhoeddus?

3. Pa bryd y ceir y nodyn gorfoleddus yn emynau yr Egilwys? Ai mewn cyfnod o ddiwygiad ynteu mewn cyfnod o drai?