Psalmae 7 - Welsh Metrical Psalms by Edward Kyffin 1603

Psal. 7.

1ARglwydd fy nuw clŷw fy llais

ymddiriedais ynot:

Rhag f’erlid-wyr oll ar llēd

gwared fi ŵyf eiddot.

2Rhag iddo larpio fy enaid

yn safnaid, fal llēw rheibudd:

Gann ei scythru ai rwygo

pryd na byddo gwaredudd.

3F’arglwydd dduw y rwy ’n erfyn

os gwneuthym hynn nai dybiaw:

Od oes hefyd (niwed wēdd)

anwiredd yn fy nwylaw.

4O thelais ddrŵg ir nēb oedd

mewn hēddoedd a mi ’n aros:

Oni waredais rhai a’m

gwrthnebent gam heb achos.

5Gelyn f’enaid iddo bīd

f’erlid a’m goddiwedd:

Sathred fy mywyd i’r llawr,

i’r llwch-lawr fyng-ogonedd.

6Cyfod i’th ddīg ō Arglwydd

o herwydd llīd gelynion:

ym-dderch, deffro droso ’n ffēst

i’r farn orchmynnest inion.

7Felly oll gynlleidfaoedd

y bobloedd ath amgylchant:

Dychwel dithe er ei mwyn

ith fwyn uchelder feddiant.

8’R-Arglwydd a farn bobl rī

barn fi yn fyng-hyfiawnder:

Ag yn ōl (lle deli gōf)

sydd ynof o berffeithder.

Yr Ail Rhann:

9DArfydded drŵg an-nuwion

Cyfiowonion cyfarwydda:

Duw cyfiawn y Calonnau

a’r arennau chwilia.

10Fy amddiffin oll y sŷdd

beunydd yn-nuw cyfiawn:

Cans ef yw iachawdur llonn

y rhai o galonn iniawn.

11Y gwir-dduw gogoneddus

sydd eustus farnudd cyfion:

A duw beunydd wrth (rai ffōl)

annuwiol, y sydd ddigllon.

12Oni ddychwel yn ei ōl

annuwiol, Clēdd a hōga:

(Yn dra-seliad) paratōdd

ag annelodd fŵa.

13Gwnaeth yn barod (ar ei stōl)

iddo angeuol arfau:

yn erbyn erlid-wyr (trōdd,)

ef a weithiodd saethau.

14Wele, ym-ddŵg anwiredd,

ar gamwedd y beichiogodd:

(Ag o’r diwedd oi fol-chwydd)

ar gelwydd yr escorodd.

15Cloddiodd gor-bwll, trychodd ffōs,

(i aros cael fy-mhriddaw:)

Syrthiodd ei hūn (nid oedd waeth)

i’r Distruw wnaeth ei ddwylaw.

16Ei anwiredd ar ei benn

a ymchwel (penn fo ’mheua:)

Ei gam-wedd ef (ai hoynyn)

a ddescyn ar ei goppa.

17Yn ōl ei gyfiawnder rhŵydd

yr Arglweydd a glōdforaf:

A chān-mōlaf enw llŵydd

yr Arglwydd goruchclaf.