Mathew 20 - The Four Gospels 2000 (Lyn Lewis Dafis) in Pembrokeshire Welsh

1-34“Ma Teyrnas Nefoedd in debyg i berchen tŷ sy'n codi'n fore i fynd mas i wilio rhei i weithio in i winlla. Mae e’m cituno 'da nhwy i dalu denarius am waith dwarnod, a'n u hala nhwy i'r winlla. ‘Bitu naw o'r gloch i bore ‘co fe'n mynd mas a gwel rhei erill in sefill rownd in neud dim byd ar sgwâr i mart; gwedodd e wrthyn nhwy, “Chi ‘fyd, cerwch i'r winllan, a fe dala i ichi beth sy'n iawn.” A fe ethon nhwy. Âth e mas 'to ‘bitu douddeg o'r gloch a bitu tri o'r gloch in prinhawn a neud ir un peth 'to. Obitu pump o'r gloch âth e mas a gweld rhei erill in sefyll ‘bitu'r lle. Gwedodd e wrthyn nhwy, “Pam ŷch chi'n sefyll fan’yn in neud dim byd trw'r dy?” Gwedon nhwy wrtho fe, “Achos sneb wedi cinnig gwaith i ni.” Gwedodd e wrthyn nhwy, “Cerwch chi i'r winllan ‘fyd.” Pan ddachreuodd i nosi dâth perchennog i winllan at i manejer, “Galwa'r gweithwyr 'ma i gyd a tala nhw, dachreua 'da'r rhei ddath ddwetha a benna 'da'r rhei ddath ginta.” Câs i rhei ddachreuodd weitho ‘bitu pum o'r gloch ddenarius ir un. Pan ddath i rhei cinta, wen nhwy'n meddwl i cesen nhwy fwy o arian; ond denarius ir un gethon nhwy ‘fyd. Pan gethon nhwy ‘u harian dachreuon nhwy gintachu, “Dim ond am awr nnath i rhei ddath ddwetha weitho, a nes ti roi'r un peth iddyn nhwy â ni we wedi gweitho mas in i houl twym a wedi cario trw'r dy.” Atebodd e nhwy, “Gifell, sena i wedi bod in annheg 'da ti. Nethon ni gituno taw denarius fidde'r pai, on'dofe? Cer â beth sy i ti a cer o’ma. Dwi ishe rhoi i'r dyn dwetha 'ma ir un peth â ti. Sdim hawl 'da fi i neud fel dwi moyn 'da beth sy'n eiddo i fi? Wit ti'n jelos achos bo fi'n hael?” So bydd i dwetha in ginta, a'r cinta in ddwetha.”

Pan we Iesu in mynd lan i Jerwsalem, cwmrodd e'r douddeg disgibl i un ochor ar u penne u hunen, a ar ir hewl wedodd e wrthyn nhwy, “Grondwch, ŷn ni'n mynd lan i Jerwsalem, a bydd Crwt i Dyn in câl i roi lan i'r pen-ffeiradon a'r rhei sy'n disgu'r Gifreth. Biddan nhwy in i gondmo fe i farw, a'n i roi e i'r Cenhedlodd i gâl i neud sbort ar i ben e, i gâl i fflangellu a'i groeshoelo, a fe geith e i godi ar i tridydd dwarnod.”

Wedyn dâth mam meibion Sebedeus ato fe 'da i meibion i ofyn rhwbeth 'dag e. Gwedodd e wrhti, “Beth wit ti moyn?” Gwedodd i wrtho fe, “Rho ordors bod in ddou fab i in mynd i sihte, un ar di law dde a'r llall ar di with in di Deyrnas.” Gwedo Iesu wrthyn nhwy, “Senoch chi'n diall beth ŷch chi'n gofyn. Allwch chi ifed o'r cwpan bidda i'n ifed ono o-fon hir?” Gwedon nhwy wrtho fe, “Gallwn.” Gwedodd e wrthyn nhyw, “Biddwch chi'n ifed o'n gwpan i, ond ddim fi sy'n galler gweud pwy sy'n mynd i ishet ar in llaw dde a'n llaw with; ma'r llefydd 'ny i'r rhei ma'n Dad i wedi paratoi'r llefyd ar i cifer nhwy.”

Pan gliwo'r deg hyn, wen nhwy'n grac 'da'r ddou frawd. Ond galwodd Iesu arnyn nhyw a gweud, “Ŷch chi'n gwbod bo'r rhei sy'n rhedeg i cenhedlodd in i lordo hi drostyn nhwy, a ma'r dinion mowr ag awdurdod drostyn nhwy. Ddim fel 'na bydd pethe 'da chi; achos ma unrhyw un sy ishe bod in ddyn mowr 'da chi in gorfod bod in was, a mae unrhyw un sy ishe bod in ginta 'da chi in gorffod bod in geithwas ichi. In ir un ffordd, ddâth Crwt i Dyn ddim i gâl pobol in gwasnethu arnon fe, ond i wasaneuthr ar bobol erill, a i roi ei fowid in dâl dros lot o bobol.”

Fel wen nhwy'n gadel Jericho dâth crowd mowr ar i ôl e. Cliwo dou ddyn tewill, we'n ishte ar bwys ir hewl, bo Iesu in mynd heibo a dachreuon nhwy weiddi, “Mab Dafydd, ca dreuni arnon ni.” Safodd Iesu in llony, a galw arnyn nhwy a gweud, “Beth ŷch chi moyn i fi neud i chi?” Gwedon nhwy wrtho fe, “Syr, gad i'n lliged ni gâl u hagor.” Teimlodd Iesu lot o drueni drostyn nhwy a cwrddodd e a'u lliged nhwy. Wedyn gethon nhwy u golwg nôl a'i ddilyn e.