1Jisas i tok moa olsem, “Tru tumas mi tokim yupela, man i no save go insait long dua bilong banis bilong sipsip, tasol em i kalapim banis long narapela hap na i go insait, kain man olsem em i stilman na man bilong pulim ol samting bilong ol arapela man.
2Tasol man i save go insait long dua, em i wasman bilong sipsip.
3Wasman bilong dua em i save opim dua long dispela man. Na ol sipsip ol i save harim maus bilong em. Em i save kolim nem bilong ol wan wan sipsip bilong em yet, na em i kisim ol i go ausait.
4Em Jo 10.27 i bringim olgeta sipsip bilong en i go ausait pinis, orait em i save wokabaut i go pas long ol. Na ol sipsip i save long maus bilong en, olsem na ol i bihainim em i go.
5Ol i no save bihainim ol arapela man. Nogat. Sapos narapela man i singautim ol, ol sipsip bai i ranawe long em, long wanem, ol i no save long maus bilong ol arapela man.”
6Jisas Jo 16.25 i givim dispela tok bokis long ol, tasol ol i no save long as bilong dispela tok em i mekim long ol.
7Olsem na Jisas i tokim ol gen olsem, “Mi tok tru tumas long yupela, mi yet mi dua bilong sipsip.
8Olgeta Jer 23.1-2, Ese 34.2-3 man i bin kam paslain long mi, ol i stilman na man bilong pulim ol samting. Tasol ol sipsip i no bin harim maus bilong ol.
9Mi Sng 118.20, Jo 14.6, Ef 2.18 yet mi dua. Sapos wanpela man i kam long mi na i go insait long banis, orait God bai i kisim bek em. Na em bai i go insait na i go ausait, na i go i kam na kisim kaikai.
10“Stilman i no save kam bilong mekim narapela samting. Nogat. Em i kam bilong stilim ol sipsip na bilong kilim ol i dai na bagarapim ol. Tasol mi, mi kam bilong ol i ken kisim laip, na bilong laip i ken pulap tru long ol.
11Mi Sng 23.1, Ais 40.11, Ese 34.11-23, Jo 15.13, Hi 13.20, 1 Pi 2.25, KTH 7.17 yet mi gutpela wasman bilong ol sipsip. Gutpela wasman bilong sipsip em i save lusim laip bilong em yet bilong helpim ol sipsip.
12Sapos Sek 11.16-17, Ap 20.29 man i wok mani tasol, na em i no wasman tru bilong ol sipsip, na em i no papa bilong ol sipsip, orait taim em i lukim weldok i kam, em bai i lusim ol sipsip na ranawe. Na weldok bai i kaikaim ol sipsip na ranim ol i go nabaut.
13Dispela man bai i mekim olsem, long wanem, em i wok long kisim pe tasol. Em i no tingting tru long ol sipsip.
14“Mi Jo 10.27, 2 Ti 2.19 yet mi gutpela wasman bilong ol sipsip. Mi save long ol sipsip bilong mi, na ol sipsip bilong mi ol i save long mi,
15olsem Mt 11.27, Lu 10.22, Jo 15.13, 1 Jo 3.16 Papa i save long mi, na mi save long Papa. Na bai mi lusim laip bilong mi bilong helpim ol sipsip.
16Mi Ais 56.8, Ese 34.23, 37.22-24, Jo 11.52, Ef 2.14, 1 Pi 2.25 gat ol arapela sipsip tu, na ol i no bilong dispela banis. Mi mas bringim ol dispela sipsip tu i kam. Na bai ol i harim maus bilong mi. Na bai i gat wanpela lain sipsip tasol na wanpela wasman tasol bilong ol sipsip.
17Papa Ais 53.7-8, 53.12, Fl 2.8-9, Hi 2.9 i laikim mi tru, long wanem, mi bai lusim laip bilong mi na bai mi kisim bek gen.
18I Jo 2.19, 5.26, 6.38, 14.31, 19.11, Ap 2.24, 2.32 no gat wanpela man inap pinisim laip bilong mi. Nogat. Long laik bilong mi yet mi bai lusim laip bilong mi. Mi gat strong inap long lusim laip bilong mi, na mi gat strong inap long kisim bek gen. Papa bilong mi i bin tok long mi mas mekim olsem.”
19Ol Jo 7.43 Juda i harim dispela tok na ol i bruk tupela lain gen.
20Planti Jo 7.20, 8.48, 8.52 man i tok, “Spirit nogut i stap long em, na em i longlong. Watpo yupela i putim yau long tok bilong en?”
21Na Sng 94.9, 146.8, Jo 9.6-7, 9.32-33 sampela i tok, “Dispela em i no tok bilong man i gat spirit nogut. Ating spirit nogut em inap long opim ai bilong ol man i aipas, a?”
Ol Juda i birua long Jisas22Long dispela taim i gat bikpela de bilong lotu i kamap long Jerusalem. Em de bilong tingim taim bipo ol i bin makim tempel i kamap haus bilong God yet. Em i save kamap long taim bilong kol.
23Orait Jisas i wokabaut insait long banis bilong tempel, long veranda bilong Solomon.
24Na Ap 3.11, 5.12, Lu 22.67 ol Juda i kam sanap raun long em na ol i askim em olsem, “Wanem taim tru bai yu tokaut klia long mipela, yu husat tru? Sapos yu dispela man tasol God i bin makim bilong kisim bek ol manmeri bilong en, orait yu mas tokaut klia long mipela.”
25Na Jo 3.2, 4.26, 5.36, 10.38 Jisas i bekim tok bilong ol olsem, “Mi tokim yupela pinis, na yupela i no bilip. Olgeta wok mi mekim long nem bilong Papa bilong mi, dispela i soim yupela olsem mi husat tru.
26Tasol Jo 6.64, 8.45-47, 1 Jo 4.6 yupela i no bilong ol lain sipsip bilong mi. Olsem na yupela i no save bilip.
27Ol Jo 8.47, 10.3-4, 10.14 sipsip bilong mi i save harim maus bilong mi, na mi save long ol, na ol i bihainim mi.
28Mi Jo 3.16, 6.37-39, 17.11-12, 18.9 givim laip i stap gut oltaim oltaim long ol, na ol bai i no inap lus. Nogat tru. Na bai i no gat man inap rausim ol long han bilong mi.
29Papa Jo 14.28, 17.2, 17.6 bilong mi i bin givim ol long mi. Na em i namba wan tru na i antap long olgeta samting. Olsem na i no gat wanpela man i ken rausim ol long han bilong em.
30Na Jo 17.11, 17.22 mi wantaim Papa mitupela i wanpela tasol.”
31Ol Jo 8.59 Juda i harim dispela tok na ol i kisim ol ston gen bilong tromoi long em na kilim em i dai.
32Na Jisas i tokim ol olsem, “Mi bin soim yupela planti gutpela wok bilong Papa. Yupela i tingting long wanem bilong dispela ol wok na yupela i laik tromoi ston long mi?”
33Ol Wkp 24.16, Mt 26.65, Jo 5.18 Juda i bekim tok long em olsem, “Mipela i no ting long wanpela gutpela wok na mipela i laik tromoi ston long yu. Nogat. Yu laik kisim ples bilong God, na long dispela as mipela i laik tromoi ston long yu. Yu man nating, tasol yu tok olsem yu yet yu God.”
34Orait Sng 82.6 Jisas i bekim tok bilong ol olsem, “Long lo bilong yupela i gat wanpela tok bilong God i stap olsem, ‘Mi tok olsem, “Yupela i god.” ’
35Bipo Mt 5.18 God i bin autim dispela tok long ol man, na em i bin tok long ol i god. Na tok i stap long buk bilong God em i no save senis.
36Tasol Jo 3.17, 5.17-18, 6.27, 9.35-37 mi, Papa yet i bin makim mi, na em i salim mi na mi kam long graun. Olsem na taim mi tok, ‘Mi Pikinini Bilong God,’ watpo yupela i tok, ‘Yu laik kisim ples bilong God’?
37“Sapos mi no mekim wok bilong Papa bilong mi, orait yupela i no ken bilipim tok bilong mi.
38Tasol Jo 14.10-11 mi mekim wok bilong em. Na sapos yupela i no laik bilipim tok bilong mi, orait yupela i ken bilip long ol wok mi mekim. Olsem na yupela i ken kisim save na tingting gut olsem, Papa i stap long mi, na mi stap long Papa.”
39Ol Lu 4.30, Jo 8.59 i laik holimpasim em gen, tasol em i abrusim ol na i go.
40Jisas Jo 1.28 i go bek gen na i brukim wara Jordan. Na em i go kamap long dispela ples bipo Jon i wok long baptaisim ol man, na em i stap long dispela ples.
41Na planti manmeri i kam long em. Na ol i tok, “Tru, Jon i no bin wokim wanpela mirakel olsem mak bilong strongim tok bilong en. Tasol olgeta tok Jon i bin mekim long dispela man em i tru tasol.”
42Na Jo 7.31 long taim Jisas i stap long dispela hap, planti man i bilip long em.
Jisas i go long Judia na Jerusalemna ol bikman i laik kilim em i dai(Sapta 11-12)Who We AreWhat We EelieveWhat We Do
2025 by iamachristian.org,Inc All rights reserved.
