1 Aj Corint 15 - Mam Comitancillo NT

Twutzxix jaw anqꞌin Crist kyxol kyimnin

1Atzin jaꞌlin werman, waja tuꞌn tkubꞌ kynaꞌnjiꞌy Tbꞌanil Tqanil kolbꞌil, a xi nqꞌmaꞌn kyeꞌy. Axsin yoljo lo a o kubꞌ kynimiꞌn, ex jaꞌ waꞌlqexixa toj kynimbꞌila;

2ex tuꞌn yol lo ma chi kleta, qa ma kubꞌ kykꞌuꞌnjiꞌy, a xi nqꞌmaꞌn. Qatzin mina, ntiꞌxla tajbꞌin kynimbꞌila ikyjo.

3Kxel nqꞌmaꞌn qa a Tbꞌanil Tqanil kolbꞌil, a tzaj nkꞌmoꞌn, a xi nqꞌmaꞌnjiꞌy kyeꞌy: Ajo t-xilin yol lo: Bꞌeꞌx kyim Crist te chojbꞌilte qil, tzeꞌnku ntqꞌmaꞌn toj Tyol Dios;

Me a yol, tkyaqil, mi ntqꞌmaꞌn qa ajin qMan Dios, quꞌn apente Dios xi qꞌonte tuꞌn tkanbꞌin Crist tibꞌaj tkyaqil.

28Me ajtzin tjapin bꞌajjo luꞌn, k-okil tqꞌoꞌn Crist tkyaqiljo otaq bꞌant tuꞌn, tjaqꞌ tkawbꞌil qMan Dios te jun majx, tuꞌntzin tyekꞌin qa a Dios twutzxix, qa a tAjaw Tkyaqil ex Tibꞌaj Tkyaqil.

29Tuꞌnpetziꞌn, il tiꞌj tuꞌn kyjaw anqꞌin kye nimil, ayeꞌ otaq chi kyim. Ex qa mina, ¿Tiquꞌntzin nchi kuꞌxa toj aꞌ, te jawsbꞌil aꞌ te jun naꞌbꞌl kyiꞌjjo nimil, ayeꞌ o chi kyim? Quꞌn qa mi ẍi jaw anqꞌin qtzan nimil, bꞌeꞌx i kyimtz te jun majx. Ex qa ikyjo, ¿Tiquꞌntz nchi tzaj kynaꞌn, aj kykuꞌxa toj aꞌ?

30Quꞌn noqpetzin mi chi jaw anqꞌin kye kyimnin, ¿Tiquꞌn n-elje qiꞌja junjun qꞌijtz tuꞌn tpajjo Tbꞌanil Tqanil kolbꞌil?

31Twutzxix nyola qa tkyaqil qꞌij n-elje wiꞌja tuꞌn nkubꞌ bꞌyoꞌn noq tuꞌn tpaj nnimbꞌila tiꞌj qAjaw Jesucrist, ex twutzxix aye kyeꞌ ma chi ok te twutz waqꞌnbꞌiꞌn.

32Qa ma tzꞌok tilil wuꞌn tuꞌn nyoliꞌn Tbꞌanil Tqanil kyukꞌaxjal toj Éfeso, ayeꞌ mi n-okx toj kywiꞌ, tzeꞌnqeku toj kꞌul txuk, mix aꞌl n-oksin kyiꞌj, me ¿Tiꞌtzin nkanebꞌa tiꞌj, qa oꞌkx nchin bꞌisinjiꞌy tiꞌj jun chojbꞌil tzaluꞌn twutz txꞌotxꞌ, ex noqit mi nchi jaw anqꞌin kyimnin? Noqit ikytzjo, bꞌaꞌntla tuꞌn tkubꞌ qqꞌmaꞌn tzeꞌnku ntqꞌmaꞌn jun yol kyxolxjal: Qo waꞌn ex qo txꞌujte, quꞌn yajtzilaꞌ qa xqo kyimku nchiꞌj.

Ex ikyxjo tkabꞌ Adán, a Jesús, ex ma tzul te qꞌol chwinqil te qe te jun majx.

46Quꞌn ikytzin n-el qnikyꞌ te, qa a qxmilil tzaluꞌn twutz txꞌotxꞌ, nej xten; ex atziꞌn tzul yajxi atziꞌn te qxmililjo te Xewbꞌaj Xjan.

47Quꞌn atzin tnejil ichin xkubꞌ bꞌinchin tukꞌa txꞌotxꞌ, ex te twutz txꞌotxꞌ teꞌ. Me anteꞌ tkabꞌ te toj kyaꞌj teꞌ.

48Ma qo ok tzeꞌnku te Adán, a te twutz txꞌotxꞌ, ex qo okil tzeꞌnku te Crist, a te toj kyaꞌj.

49Quꞌn teyile junjun qe at jun t-xmilil tzeꞌnku te Adán, a te twutz txꞌotxꞌ. Ex qqꞌonktzin tilil, tuꞌn qok tzeꞌnku te Crist, a te toj kyaꞌj.

50Waja tuꞌn t-xi nqꞌmaꞌn kyeꞌy werman; qa a qxmilil te twutz txꞌotxꞌ ntiꞌ toklin tuꞌn tten toj Tkawbꞌil Dios te jun majx toj kyaꞌj; quꞌn a nlay tpa, ntiꞌ toklin tiꞌjjo a nlay bꞌaj.

51Waja tuꞌn t-xi nqꞌmaꞌnjiꞌy a ewintaq: Quꞌn nya qkyaqilx qo kyimil. Me qkyaqilx qo txꞌixpitil

52te jun paqx, tzeꞌnku jun qmutzꞌbꞌin qwutz, aj t-xi qbꞌiꞌn tqꞌajqꞌojil chun, te yekꞌbꞌil, aj tjapin bꞌaj tkyaqil twutz txꞌotxꞌ. Ex ayetzin kyimnin kchi jawitz anqꞌin, tuꞌntzin mi chi kyime juntl majl, ex awotzin qe, awo itzꞌqo, qo txꞌixpitil.

56A bꞌiybꞌil tuꞌn kyimin, atziꞌn a bꞌinchj il. ¿Ex jaꞌn ntzaje tipin bꞌinchj il? Noq tuꞌn qbꞌinchbꞌin tiꞌjbꞌinxiꞌ tkawbꞌil Dios.

57Me chjontexla Dios. Ma tzaj tqꞌoꞌn tumil tuꞌn tkubꞌ tiꞌj il quꞌn, noq tuꞌn qAjaw Jesucrist.

58Tuꞌnpetziꞌn werman, nimx tqꞌaqꞌbꞌil nkꞌuꞌja kyiꞌja, chi weꞌkuxixa wen, ex mi chi yekjxa toj kynimbꞌila. Kybꞌinchinkuy taqꞌin qMan Dios tukꞌa tkyaqil kyanmiꞌn, quꞌn ojtzqiꞌn kyuꞌn, qa a kyaqꞌiꞌn anetziꞌn, nya noqx kukxjo, qalaꞌ at chojbꞌil te.