1Twutzxix kxel nqꞌmanjiꞌy luꞌn, quꞌn nimilqiꞌn tiꞌj Crist, ex nya noq njaw bꞌant wuꞌn, ex ax Xewbꞌaj Xjan toj wanmiꞌn nkujsinte qa twutzxixjo nyola luꞌn:
2Qa nimx bꞌis nnaꞌn, ex tzunx nchyoꞌn wanmiꞌn
3kyiꞌjjo nxjalila, aye wermana te nxeꞌchila. Quꞌn wajatlaꞌy tuꞌn woka te kyxel tjaqꞌ tqanbꞌil qMan Dios, ex tuꞌn wel paꞌn tiꞌj Crist, noqitla tuꞌn kykletku nxjalila, aye a naꞌmx kynimin, a junx tzajnin qyajila kyukꞌa.
4Quꞌn tyajil qtzan Israelqe, ex xi tkꞌmoꞌn Dios te Ttanim, ex najan Dios kyxol tukꞌa tkyaqil tqoptzꞌajiyil. Xi tqꞌoꞌn Dios tumil toj tkawbꞌil Moisés tuꞌn kykyijxjal toj wen tukꞌa, ex xi kykꞌmoꞌn kꞌulbꞌil toj tnejil ja te naꞌbꞌl Dios, ex jniꞌxjo otaq tzaj ttziyin Dios, tuꞌn t-xi tqꞌoꞌn kye.
5Ex kꞌwalbꞌajqe kye tnejil qxeꞌchil, aye nmaq nimil tiꞌj Dios. Ex tuꞌntzin kyyajil ikyjo, itzꞌje Crist, a Dios, tAjaw Tkyaqil, nimxit tbꞌi te jun majx. Ikyxitjo.
6Me mix kubꞌe kynimin aj Israel, a tqꞌma Dios kye. ¿Ma tuꞌntzin ikyjo, mi japin te Dios tuꞌn, tkyaqiljo tzaj ttziyin kye Ttanim? ¡Mina! Quꞌn nya tkyaqiljo, a el itzꞌje kyxol aj Israel toj tchibꞌjil, twutzxix aj Israelqe.
7Ex nya tkyaqiljo, a el itzꞌje tiꞌj Abraham twutzxix tkꞌwalqe, quꞌn otaq tzaj tqꞌmaꞌn Dios te Abraham toj Tuꞌjil Tyol kyjaluꞌn: Noq tuꞌn Isaac ktenbꞌil tyajila.
8Tuꞌntziꞌn ikyjo, n-el qnikyꞌ te, qa mix aꞌl jun at toklin te tkꞌwal Dios noq tuꞌn t-xeꞌchil jaꞌ itzꞌje. Qalaꞌ oꞌkqexjo aye o chi itzꞌje tkabꞌ majin tzeꞌnkuxjo tqꞌma Dios. Aye xjal anetziꞌn at kyoklin twutz te twutzxix tyajil Abraham.
9Quꞌn tej otaq chi tijin Abraham, ex ntiꞌtaql tumil tuꞌn tul jun kyal, xi tqꞌmaꞌn Dios kye: Tojjo qꞌij, a xi nqꞌmaꞌn, tzul itzꞌje jun tal Sara, a t-xuꞌjilach.
Ex antza n-ele qnikyꞌ te, qa aku bꞌant tuꞌn Dios, tzeꞌnchaqxjo tajtz.
10Quꞌn nya oꞌkxjo luꞌn; ex ikyxjo te Rebeca, i ul itzꞌje kabꞌe tal, kwaꞌchqe, tukꞌa tchmil, Isaac, a ojtxe qxeꞌchil.
11-12Tej naꞌmxtaq kyitzꞌje, ex naꞌmxtaq tbꞌant chꞌin tiꞌ kyuꞌn, qa bꞌaꞌn mo minaj, xi tqꞌmaꞌn Dios te Rebeca: Ate itzikybꞌaj k-ajbꞌil te itzꞌinbꞌaj.
Ikytziꞌn, bꞌiꞌn quꞌn, qa a Dios jaw skꞌoꞌnkye tzeꞌnkuxjo taj, ex nya tzeꞌnku kybꞌinchbꞌinxjal; qalaꞌ noq tuꞌn txokbꞌil, a kubꞌ t-ximin atxix naꞌmtaq tkubꞌ xkye tkyaqil.
13Ex ikyx ntqꞌmaꞌn Diosjo toj Tuꞌjil Tyol: Ok nkꞌuꞌjliꞌn Israel, ex el wiꞌjliꞌn Esaú, aye tal Rebecach.
14Me qa tkyaqil nbꞌant oꞌkx tzeꞌnkuxjo ntqꞌmaꞌn Dios, akula txi qqꞌmaꞌn qa nya tzꞌaqle te Dios. Me ntiꞌx tumiljo xim lo,
15quꞌn tqꞌma Dios te Moisés kyjaluꞌn:
Kꞌwel nnajsin weꞌ til jun xjal, qa waja tuꞌn tkubꞌ nnajsiꞌn,
ex ktzajil qꞌaqꞌin nkꞌuꞌja tiꞌj jun xjal, qa waja tuꞌn ttzaj qꞌaqꞌin nkꞌuꞌja tiꞌjch.
16Ikytziꞌn, nya tuꞌn tajbꞌil, mo tuꞌn t-xim jun xjal, ex nya tuꞌn tbꞌinchbꞌin kkletile, qalaꞌ noq tuꞌn tqꞌaqꞌbꞌil tkꞌuꞌj qMan Dios.
17Ex ntqꞌmaꞌn Dios toj Tuꞌjil Tyol te nmaq kawil toj txꞌotxꞌ te Egipto:
Ma jaw nskꞌoꞌn te tuꞌn tyekꞌit wipiꞌn tiꞌja,
ex tuꞌn tel tnikyꞌtzajiljo nbꞌiꞌy toj tkyaqil twutz txꞌotxꞌ.
18Quꞌn ate Dios at tqꞌaqꞌbꞌil tkꞌuꞌj tiꞌj jun xjal noq aꞌlchaqx kyetz, ex ax Dios aku txi kujsin te tanmin jun xjal, ex aꞌlchaqx kyetz, noq qa taj.
19Akula tzaj tqꞌmaꞌn weꞌy: Qa ikytzjo, ¿Tiꞌtzin quꞌniltz n-ok tqꞌoꞌn Dios kypajxjal? ¿Attzin jun aku txi lipetz tiꞌj Dios ikyjo, qa ax nxi kujsinte kyanminxjal?
20Me, ¿Tiꞌtzin toke te tuꞌn t-xoꞌn yol tiꞌj qMan Dios? Quꞌn ma akupela tqꞌma jun kꞌwil te bꞌinchilte, ¿Tiquꞌn ẍin kubꞌ tbꞌinchiꞌn ikyjo?
26Ex axsa jaꞌ qꞌumje: Nya Ntanimqiꞌy;
ex axsa k-okile qꞌoꞌn kybꞌi te tkꞌwal Dios itzꞌ.
27Ex ikyxjo kye aj Israel, tqꞌma Isaías kyiꞌj toj Tuꞌjil Tyol Dios:
Exla qa ma nintzxix kybꞌaj aj Israel tzeꞌnku tzꞌawin ttzi ttxuyil aꞌ,
me noqx jteꞌbꞌin kkletil.
28Quꞌn jun paqx japin bꞌaj te Dios Tyol twutz txꞌotxꞌ te jun majx.
29Ex tzeꞌnku tqꞌma Isaías ojtxe:
Noqit mi xkyij tqꞌoꞌne Dios, a tAjaw Tkyaqil, jteꞌbꞌin qyajil,
ikyqotlaꞌ tzeꞌnku tnam Sodoma ex Gomorra,
aye i kubꞌ yuchꞌj tuꞌn te jun majx.Aye aj Israel exsin Tbꞌanil Tqanil kolbꞌil
30¿Tiꞌtzin kqqꞌmaꞌbꞌil tiꞌj tkyaqiljo lo? Quꞌn qa aye xjal nya Judiyqe, a ntiꞌtaq tumil tuꞌn kyoktaq te Ttanim Dios, ex ntiꞌtaq tuꞌn kyok te tzꞌaqle twutz, ayetzin ma chi okjo noq tuꞌn kynimbꞌil.
31Me ayetzin kyeꞌ Judiy, a kyajtaq tuꞌn kyok te Ttanim Dios, ex tuꞌn kyok te tzꞌaqle twutz, noq tuꞌn tjapin bꞌaj ojtxe kawbꞌil kyuꞌn, mi ẍi ok.
32¿Me tiꞌquꞌnil? Quꞌn kyajtaq tuꞌn tjapin bꞌaj kyuꞌn kyuꞌnx kyibꞌx, ex nya tuꞌn kynimbꞌil tiꞌj Kolil Jesucrist. Tiꞌjjo lo, i ok takpaj toj kychwinqil tiꞌj Jesús, a abꞌj te toljsbꞌil,
33tzeꞌnkuxjo tqꞌma Dios toj Tuꞌjil Tyol:
Kubꞌ nqꞌoꞌn jun abꞌj, tuꞌn kyja pitkꞌajxjal aj Judiy toj Sion,
ex jun piky, tuꞌn kyok takpaj tiꞌj.
Me alkyeꞌ knimil tiꞌj, nlay tzꞌel toj ttxꞌixewch.
Who We AreWhat We EelieveWhat We Do
2025 by iamachristian.org,Inc All rights reserved.
