Matey 1 - Mam Comitancillo NT

Aye t-xeꞌchil jaꞌ saje Crist(Lc. 3:23-38)

1Atzin te luꞌn atzin tajlal t-xeꞌchil Jesucrist, a tzajnin tiꞌj qtzan David ex tiꞌj qtzan Abraham:

2Ante Abraham, ttata Isaac, a ttata Jacob, a ttata Judá junx kyukꞌa ttziky ex titzꞌin.

3Ante Judá tukꞌa Tamar, ayeꞌ kytata Fares tukꞌa Zara. Ante Fares ttata Esrom, a ttata Aram,

4a ttata Aminadab, a ttata Naasón, a ttata Salmón.

5Ante Salmón tukꞌa Rahab, ayeꞌ ttata Booz, ex ante Booz tukꞌa Rut, ayeꞌ ttata Obed, a ttata Isaí.

6Ante Isaí, ttata David, a nmaq kawiltaq. Ante David ttata Salomón, a taljo t-xuꞌjlbꞌin Urías.

7Ante Salomón ttata Roboam, a ttata Abías, a ttata Asa,

8a ttata Josafat, a ttata Joram, a ttata Uzías,

9a ttata Jotam, a ttata Acaz, a ttata Ezequías,

10a ttata Manasés, a ttata Amón, a ttata Josías,

11a ttata Jeconías kyukꞌa txqantl titzꞌin, a teꞌ kyxi jtzꞌoꞌn aj Israel tzmax toj txꞌotxꞌ te Babilonia.

12Axsa toj Babilonia ante Jeconías ok te ttata Salatiel, a ttata Zorobabel,

13a ttata Abiud, a ttata Eliaquim, a ttata Azor,

14a ttata Sadoc, a ttata Akim, a ttata Eliud,

15a ttata Eleazar, a ttata Matán, a ttata Jacob,

16a ttata Jse, a tchmil Mariy, a tnana Jesús, a ok tbꞌi te Crist, a skꞌoꞌnxix tuꞌn Dios tuꞌn tok te Kolil.

17Ikytziꞌn, attaq kyajlajaj tyajil tzajnin tiꞌj Abraham tzmaxiꞌ tej tul itzꞌje David; ex kyajlajaj tyajil tzajnin tiꞌj David, tej kyxi jtzꞌoꞌn aj Israel tzmax toj txꞌotxꞌ te Babilonia. Ex attaq kyajlajaj tyajil tzajnin, atxix teꞌ kyxi jtzꞌoꞌnxjal toj Babilonia tzmax tej tul itzꞌje Crist.

Ajo titzꞌjlin Jesús(Lc. 2:1-7)

18Atzin titzꞌjlin Jesucrist ikytziꞌn kyjaluꞌn:

Ante Mariy, a tnana, otaq bꞌant tiꞌj, tuꞌn tmeje tukꞌa Jse.

22O bꞌaj tkyaqiljo lo, noq tuꞌn tjapiꞌn yol tzaj tqꞌmaꞌn qAjaw tuꞌn yolil Tyol Dios ojtxe, tej tqꞌma:

23Jun tal txin, a naꞌmxtaq tlonte ichin,

ex tzul itzꞌje jun tal tal qꞌa.

Ex k-okil juntl tbꞌi Emanuel,

a ntqꞌmaꞌn qa Dios qukꞌa.

24Tej tjaw sakꞌpaj Jse toj twatl, kubꞌ tbꞌinchin tzeꞌnkuxjo otaq tqꞌma t-angel qAjaw te, ex bꞌeꞌx xi tkꞌleꞌn Mariy te t-xuꞌjil.

25Me mix i kubꞌe kẍe junx, tzmaxiꞌ tej tul itzꞌje tnejil tal, a qꞌa, a otaqxi tzꞌok tzꞌaq. Ex ok tqꞌoꞌn tbꞌi Jesús.