Efesus 4 - Buk Baibel long Tok Pisin（TPIPNG）

Yumi Kristen yumi bodi bilong Krais

1Mi

10Dispela Hi 4.14, 9.24 man pastaim em i go daun, em i go antap tu. Em i go antap tru long olgeta heven, bilong em i ken pulapim olgeta samting.

11Na Ro 12.7, 1 Ko 12.28, 2 Ti 4.5 em tasol i givim ol presen olsem. Long sampela man em i givim wok aposel. Na long sampela em i givim wok profet. Na long sampela em i givim wok bilong autim gutnius long ol manmeri. Na long sampela em i givim wok pasto na wok bilong skulim ol manmeri long ol pasin God i laikim.

12Krais 1 Ko 12.7, Ef 1.23, 2 Ti 3.17 i givim ol dispela presen bilong helpim yumi manmeri bilong God bai yumi inap long mekim gutpela wok bilong em. Olsem na bai bodi bilong Krais i ken kamap strong na i stap gut.

13Na 1 Ko 14.20, Kl 1.28, 2.2 dispela wok bai i go i go inap long yumi bilip tru na dispela i mekim yumi i stap wanbel tru, na yumi olgeta i save tru long Pikinini Bilong God. Olsem na Kristen laip bilong yumi bai i kamap strong na yumi bai kisim ol wankain gutpela pasin olsem Krasi yet.

14Yumi Ais 28.9, 1 Ko 14.20, 2 Ko 2.17, Hi 13.9 bai i no inap i stap moa olsem ol liklik pikinini, na ol dispela tok bilong ol grisman i save tumas long olgeta pasin bilong trik na giaman, em bai i no inap sakim yumi nabaut olsem win na si i save sakim kanu long solwara, na kanu i trip nabaut na i no i go stret long ples em i makim.

15Yumi Ef 1.22, 4.25, Kl 1.18, 1 Jo 3.18 no ken putim yau long ol dispela kain tok. Nogat. Yumi mas bihainim pasin bilong laikim tru ol arapela na mekim tok tru tasol long ol. Olsem bai yumi kamap strongpela manmeri na bai yumi pas tru wantaim Krais, em i het bilong yumi,

16na Kl 2.19 em i save mekim yumi olgeta han lek ai samting bilong bodi yumi mekim gut wok em i makim bilong yumi olgeta wan wan. Na em i save mekim yumi olgeta skru rop bun samting bilong bodi i pas gut wantaim na i bihainim pasin bilong laikim tru ol arapela, na long dispela pasin bodi i save kamap bikpela na strongpela.

Ol Kristen i mas wokabaut long nupela pasin

17Olsem Ro 1.21, 1 Pi 1.14 na mi laik mekim wanpela tok long yupela. Long nem bilong Bikpela mi tokaut strong olsem, yupela i no ken wokabaut moa long pasin bilong ol haiden. Tingting bilong ol i paul olgeta,

18na Ap 26.18, Ga 4.8, Ef 2.12, 1 Te 4.5 save bilong ol i olsem tudak. Ol i no gat save tru, na bel bilong ol i pas, olsem na ol i stap ausait long laip bilong God.

19Ol Kl 3.5 i no save sem moa long pasin ol i save mekim. Ol i go insait tru long pasin nogut, na bel bilong ol i kirap tru long mekim ol kain kain pasin doti.

20-21Mi ting yupela i harim pinis tok bilong Krais, na ol i skulim yupela pinis long tok tru i stap long Jisas. Na mi save, ol i no bin skulim yupela long mekim ol dispela pasin nogut bilong ol haiden.

22Bipo Ro 6.6, 8.13, Ef 2.2-3, 4.17, Kl 3.9, Hi 12.1, 1 Pi 4.3 yupela tu i bin wokabaut long pasin bilong olpela man, em pasin bilong giaman na bel i kirap long mekim ol samting nogut, na em pasin i bringim man i go long rot bilong bagarap. Tasol nau yupela i mas rausim dispela olpela pasin

23na Ro 12.2, Kl 3.10 tingting bilong yupela i mas kamap nupela.

24Yupela Stt 1.26, Ro 6.4, Ef 2.10, Kl 3.10 i mas kamap ol nupela manmeri, em ol manmeri God i mekim ol i kamap nupela na ol i stap olsem God yet, long wanem, pasin bilong ol i stretpela olgeta na i holi tru.

25Olsem Sek 8.16, Ro 12.5, Kl 3.8-9 na yupela i mas lusim pasin bilong giaman. Yupela olgeta i mas mekim tok tru tasol long ol arapela Kristen, long wanem, yumi olgeta i stap hap bilong wanpela bodi.

26Sapos Sng 4.4, Je 1.19-20 bel bilong yupela i hat, orait yupela lukaut. Nogut yupela i mekim sin. Nogut yupela i belhat yet i stap na san i go daun.

27Nogut 2 Ko 2.10-11, Je 4.7, 1 Pi 5.9 yupela i opim dua long Satan.

28Ol 1 Te 4.11, 2 Te 3.8, 3.11-12 stilman i no ken stil moa. Nogat. Nau ol i mas wok. Ol i mas mekim gutpela wok long han bilong ol yet, na ol bai i kisim planti samting, inap long ol i ken helpim ol man i sot long ol samting.

29Yupela Ef 5.4, Kl 3.8, 3.16, 4.6, 1 Te 5.11 i no ken larim ol kain kain tok nogut i kamap long maus bilong yupela. Nogat. Gutpela tok tasol i mas kamap, inap long strongim ol man i slek. Dispela kain tok i save bringim marimari bilong God i kam long ol man i harim.

30Yupela Ais 63.10, Ro 8.23, Ef 1.13-14, 1 Te 5.19 i no ken givim bel hevi long Holi Spirit bilong God. God i givim Holi Spirit long yupela olsem mak bilong yupela i stap ol manmeri bilong em stret, na bilong soim yupela olsem em i makim taim bilong kisim bek yupela na mekim yupela i kamap fri tru.

31Yupela Kl 3.8, 3.18-19, Ta 3.2-3, 1 Pi 2.1 i mas rausim olgeta pasin bilong bel nogut na kros na belhat na bikmaus na tok bilas, na olgeta kain pasin nogut.

32Yupela Mt 6.14, 18.22-35, Mk 11.25, 2 Ko 2.10, Kl 3.13 i mas mekim gutpela pasin long ol arapela Kristen na givim bel bilong yupela long ol. Yupela i mas lusim sin bilong ol, olsem God i lusim sin bilong yupela long nem bilong Krais.