Jop 40 - Buk Baibel long Tok Pisin（TPIPNG）

1Orait na Bikpela i askim Jop olsem,

2“Jop, yu bin tok pait long mi, God I Gat Olgeta Strong, na yu bin kotim mi. Orait nau mi givim taim long yu long bekim ol askim bilong mi. Yu inap bekim, o nogat?”

Jop i tok long God (Sapta 40.3-5)Jop i no inap bekim ol askim bilong God

3Orait na Jop i bekim tok bilong Bikpela olsem,

4“Bikpela, mi rabis na samting nating tasol. Olsem wanem na mi inap bekim tok bilong yu? Mi bai pasim maus tasol.

5Mi bin mekim planti toktok tumas. Olsem na mi no ken toktok moa.”

God i tok moa long Jop (Sapta 40.6—41.34)God i tokim Jop long kisim ples bilong en

6Orait Bikpela i stap long bikpela win na ren na i bekim tok bilong Jop olsem,

7“Yu mas sanap olsem man tru. Na bai mi askim yu long olkain samting, na yu mas bekim ol askim bilong mi.

8Yu

20“Dispela gras ol hipopotamus i save kaikai, i save kamap nabaut long ol liklik maunten long ol ples ol wel abus i save ran i go nabaut long en.

21Ol hipopotamus i save slip aninit long ol liklik diwai i gat nil, na i save hait insait long ol tiktik bilong tais.

22Na ol i save hait na malolo aninit long ol han bilong ol diwai i kamap arere long ol wara.

23Taim tait i kamap na wara i ran strong, ol i no save pret. Maski tait i kam antap inap long maus bilong ol, ol i stap bel isi tasol.

24Taim ol i was i stap, husat inap holimpas ol? Na husat inap wokim trap bilong hukim nus bilong ol na kalabusim ol?”