1Cytzaje cycyakile, ba'n tu'n kaj juntl maj tuc'il Kman. Ma ko baj tpaẍu'n, pero jacu ko banix juntl maj tu'n; ma ko c'ixbisanjtz tu'n, pero jacu ko oc tk'anan.
2Tuj cabe k'ij ko banixel naj tu'n ex tuj toxin k'ij ko jawil twaban tu'n kten tuc'il.
3Kk'o'nc tilil tu'n kojtzkinte Kman. Ax toc tzul Kman kuc'il ic tza'n in jawil koptz'aj k'ij, ex ic tten tzul ic tza'n in baj ac'set tx'otx' tu'n jbal tuj ttzi jbalil ex oc tjaw jbal.
Aju tzak'webl tu'n Kman4Chi Kman: ¿Ti c'oquel cyi'je wu'ne akeye aj Efraín? ¿Ti c'oquel cyi'je wu'ne akeye aj Judá? Porque aju cyc'ujlalile wi'je ic tten ic tza'n muj in cub te prim ex ic tza'n ttxa che'w in cub ulj naj oc tjawil k'ij.
5Cyja'tzun, ma che naje wu'ne cyu'n nsanjele, ex tu'n nyole ma che baj nbyo'ne. Aju castiw wu'ne ic tten ic tza'n tkan k'ij nim tipun.
6Aju wajbile cyeye, atzun tu'n tten cyc'ujlalile, ex mya tu'n ttzaj cyk'o'ne jun chojbil weye, wajbile tu'n tel cynic'e wi'je ka akine Dios, ex mya tu'n tcub cypatune ke alumaj te chojbil weye.
7Pero ke xjal etzan wu'ne ma cybincha ic tza'n o tbincha Adán, ma che ic' tibaj ju yol cyaj bant ti'j wu'ne cyuc'il, minti' ma txi cyniman nyole.
8Ke xjal aj Galaad binchal mya ba'n ke, nojni tuj tnam tu'n cychc'el xjal otok che cub cyu'n.
9Ic cyten ke pal ic tza'n jun c'loj elek' in xi cyewan cyib tu'n cyetz tzokpaj cyi'j xjal, in che cub xjal cyu'n tuj be in xi tuj tnam Siquem ex in cybincha'n nimcu mya ba'n.
10Xobajilxix aju ma wile in bant cyu'n aj Israel, ma tz'el cypa'n cyib aj Efraín wi'je tu'n cyc'ulun cywitz ke tilbilal ex ma baj cytz'ilsan cyib aj Israel.
11Ax icx cyeye, akeye aj Judá, ma bant ti'j wu'ne alcye k'ij tu'n tcub cycastiwoye.
Who We AreWhat We EelieveWhat We Do
2025 by iamachristian.org,Inc All rights reserved.
