1Nman Dios ex Nreye, cjawil nnimsa'ne tbiya tu'nju ma' toclena, ex cxel nk'o'ne chjonte teya te jumajx.
2Tcyakil k'ij cxel nk'o'ne chjonte teya ex cjawil nnimsa'ne tbiya te jumajx.
3Ba'n tu'n tjaw knimsa'n tbi Kman porque ma' toclen. Mlay tz'el baj knic' ti'j toclen ma'xix.
4Cxel cytx'olba'n ke mambaj cye cyc'wa'l cyi'j ke tbinchbena nim cyipumal, ex cxel cyk'o'n chjonte teya ti'j tak'unbena.
5Che yolil ti'j tajwalila ex ti'j toclena ma'xix, atzun weye chin yolile ti'j tbinchbena ma' t-xilen.
6Che yolil ti'j tbinchbena ma' tipumal ex xobajilxix, atzun weye chin yolile ti'j toclena ma'xix.
7Che yolil ti'j t-xtalbila ma'xix, ex che bitzal tu'n cymante ka aya tz'aklxix.
8In k'ak'an tc'u'j Kman ki'j ex in tz'e'y tc'u'j ki'j; yaj in tzaj tk'oj ex nim tc'ujlalil ki'j.
9Ba'nte Kman cyuc'il cycyakil, ex c'ujla'n cycyakil tch'isben tu'n.
10Nman, cycyakil tch'isbena ba'n tu'n t-xi cyk'o'n chjonte teya, ex ke ocslal ti'ja ba'n tu'n t-xi cyk'o'n chjonte teya.
11Ba'n tu'n cyyolin ti'j tajwalila tuj tcawbila, ex ba'n tu'n cyyolin cyi'j ke tbinchbena ma'xix cyipumal.
12Ba'n tu'n cyyolin ke xjal ti'j tipumala ex ti'j tajwalila tuj tcawbila.
13Minti' bajsbil te tcawbila, ex ccawila tuj tcyakil tabk'iyil te jumajx.
14Ate Kman onil cye keju in che jaw tolj ex in che jaw twaban keju cyja' cyic' tz'ak.
15Cycyakil in che que'yin ti'ja ex in che ayon tu'n cyxi tc'a'chana oc tpon tajben cye.
16Tcyakil in xi tk'o'na cye ax tu'n t-xtalbila, ex in che noj cycyakil ke tch'isbena.
17Tz'aklxix te Kman tuj tcyakilju in tbincha'n, ex at tc'ujlalil cyi'j cycyakil.
18Nikayin ta' Kman cyi'j keju in che cubsan twitz, akeju axix toc cyu'n.
19In xi tk'o'n aju in cykanin keju in che niman te, ex oc t-xi cykanin onbil te in che tzaj tbi'n ex in che clet tu'n.
20Ate Kman clol cye keju in che c'ujlan te, atzun ke xjal mya ba'n in che naj tu'n.
21Cjawil nnimsa'ne tbi Kman, ex ba'n tu'n tjaw nimsa'n tbi xjan cyu'n cycyakil xjal, te ja'lo ex te jumajx.
Who We AreWhat We EelieveWhat We Do
2025 by iamachristian.org,Inc All rights reserved.
