1Nman Dios, bintza aju tk'ajk'ajel nwi'ye oc njaw ayayane; chin tcloma cywitz ke aj k'oj wi'je xobajilxix ke.
2Chin tewanxa cywitz ke xjal in baj cyximan mya ba'n wi'je tuj ewaj; chin tcloma tuj cyximbetz ke xjal mya ba'n,
3akeju ic tten cyak' ic tza'n spad banin ttzi' wen, ex ke cyyol in che c'ixbi xjal cyu'n mer ic tza'n plech in tzaj xo'n cyi'j xjal.
4Max tuj cyewbil in tzaj cytzokpi'n ke cyplech cyi'j keju minti' cyil; nok minaben in tzaj cytzokpi'n ex minti' in tzaj t-xobil cyi'j.
5In cynimarin cyib cyxolx tu'n cybinchante mya ba'n; in baj cyximan tu'n tcub cyk'o'n ke c'obil tuj ewaj, ex in cub cyximan ka mi a'l jun in que'yinte cye,
6ex ka mi a'l jun jacu baj tque'yin ju cybinchben mya ba'n.
Pero aju nne'l tnic' cyi'j ke t-ximbetz xjal tujxi tanmi, cbajel tque'yin tcyakil jlu.
7Oc che c'ixbisetel tu'n Dios cyu'n ke plech, ex nok minaben che oquel c'ixbisa'n;
8oc che bel tz'ak tuj cyex cyyol, ex keju che que'yilte cye che oquel ten xmayil cyi'j.
9Cycyakiltzun xjal che xel k'onte nimbil te Dios ex che oquel ten yolil ti'j tak'unben; ex c'elel cynic' ti'j aju o tbincha.
10Ke xjal tz'aklxix che tzalajel ti'j Kman ex ckebel cyc'u'j ti'j, ex cycyakil xjal tz'aklxix oc che tzalajel.
Who We AreWhat We EelieveWhat We Do
2025 by iamachristian.org,Inc All rights reserved.
