1Nman, in tzalaj rey tu'nju ma txi tk'o'na tipumal; nim in tzalaj porque tu'na ma camban.
2Ma tzaj tk'o'na ke tajbil; minti' ma cub txc'a'yina ke tkanbetz.
3Ma tc'ama tuc'il nimcu cy'iwbil, ex ma jax tk'o'na jun coron k'an pwak tuj twi'.
4Xi tkanin tchwinklal teya, ex tzaj tk'o'na ma' tuj tchwinklal ex te jumajx.
5Nok tu'nju onbil tu'na, ma'xix ma tz'oc tipumal, ma txi tk'o'na nimbil te ex toclen ma'xix.
6Ma cub tcy'iwla'na te jumajx; ma noj tu'n tzalajbil tu'nju aya at tuc'il.
7Aya rey, mlayx cub tz'aka tu'nju k'ukl tc'u'ja ti'j Kman; k'ukl tc'u'ja ti'j tc'ujlalil Dios aju ma'xix toclen.
8Tu'n tipumala cbel cyi'j cycyakil aj k'oj ti'ja; ex tu'n tbank'aba cbel cyi'j keju in che ic'un teya;
9bi'x che oquex tk'o'na ke tuj jun jorni in c'ant tu'n k'ak' oc tula tu'n tcub cysentens tu'na. Tu'n tk'oj Kman che bel tz'e'y tu'n k'ak'.
10Che najel ke cyc'wa'l ex ke cyiyjil tu'na, mi a'l jun cyjel ank'in cyxol xjal.
11Masque cyaj tu'n cybinchante jun mya ba'n ti'ja ex ka tu'n tbaj cyximan jun ti'xti ti'ja, pero mlay bant cyu'n.
12Tu'na che c'elel ok oc t-xi tumla'na plech cyi'j.
13Cjawil knimsane tbiya Kman, tu'nju nim tipumala. Ko bitzale ex cxel kk'o'ne chjonte teya tu'n tipumala ma'xix.
Who We AreWhat We EelieveWhat We Do
2025 by iamachristian.org,Inc All rights reserved.
