Sekaraiya 4 - Kriol Bible

Drim blanga det lempsten

1Wal det einjul hubin toktok langa mi bin kambek en imbin weikimap mi jis laik aibin silip.

2En imbin tok langa mi, “Wanim yu gin luk?” Aibin ensim im, “Ai gin luk golwan lempsten en deya ontop im garram det boul garram oil. En ontop langa det lempsten sebenbala lemp, en insaid langa ebri lemp detlot pleis blanga laidim sebenbala lait.

3Dubala olibtri bin jandap langa det lempsten, wan tri langa det raidensaid en najawan tri lefthensaid.”

Afta det einjul bin tok langa mi, “Detlot sebenbala lemp yubin luk, olabat detlot sebenbala ai blanga YAWEI weya luk ebrijing langa hebin en langa dijan graun.”

11Afta aibin tok langa im, “Det dubala tri weya jandap langa det raidensaid en lefthensaid blanga det lempsten, wanim dubala min?Reb 11:4

12En ai gin luk dubala tri garram olib daga, en oil brom detlot olib daga randan thru dubala golwan paip langa detlot lemp. Wanim ol dislot ting min?”

13Imbin askim mi, “Yu nomo sabi wanim olabat min?” En aibin ensim im, “Yuwai bos, ai nomo sabi.”

14Imbin tok langa mi, “Dijan na, det dubala men weya God bin pikimat. Imbin spilim oil langa dubala blanga meigim dubala im ronwan wekinmen, en im na bos blanga ebrijing langa dijan wel.”