Nambas 6 - Kriol Bible

Det lowa blanga Nesarait

1YAWEI det trubala God bin tok langa Mosis,

2“Dalim ola Isreil pipul dislot wed na. If eni men o wuman hu meigim speshalwan pramis blanga meigim miselp Nesarait, en gibit miselp langa mi holbit,

3wal im kaan dringgim eni wain o grog. Im kaan dringgim enijing brom det greip fam, en im kaan dagat eni greip o reisan.YAWEI bin gibit gudbala wed langa Eran

22,23Wal YAWEI bin dalim Mosis blanga dalim Eran en im sanmob blanga tok dijan speshalwan preya blanga detlot Isreil pipul,

24“Larram YAWEI det trubala God albumbat yumob en lukaftumbat yumob.

25Larram im jidan gudbinji langa yumob, en kain langa yumob.

26Larram im luk langa yumob gudbalawei en meigim yumob jidan gudbinjiwei.”

27En YAWEI bin tok, “If dei gulum main neim blanga ol detlot Isreil pipul, wal trubala ai garra jidan gudbinji langa olabat.” Lagijat na YAWEI bin tok.