1Wal YAWEI bin kipgon tok, “Wen dijan garra hepin sebenbala gel garra gajim seimwan men, en detlot gel garra tok, ‘Melabat garra baiyim melabat ronwan daga en klos. Yu garra merrit langa melabat, blanga meigim melabat gudbinji en nomo sheim.’ ” Lagijat na YAWEI bin tok.
YAWEI garra album im pipul olabat hu stil jidan laibala2Wal aibin tok, “Wal det taim im kaminap na wen YAWEI det trubala God garra meigim dijan kantri brabli gudwan igin en abum loda daga, en detlot Isreil pipul hu stil jidan laibala garra jidan brabli gudbinji wen olabat kantri garra abum loda frut daga en sid daga.
3Ebribodi langa Jerusalem hu stil jidan laibala garra jidan brabli speshalwan pipul.
4YAWEI garra jadjim det taun, en im garra washim detlot pipul klinbala brom ol detlot nogudbala ting weya deibin oldei dumbat.
5“Afta tharran YAWEI garra jandim bigbala klaud blanga jidan langa det taun en langa det miting pleis ebri deitaim, en im garra jandim smok en faiya ebri naitaim. YAWEI garra shain detmatj garram im pawa en im garra gaburrumap ebrijing langa Jerusalem jis laiga sheid haus.Eksa 13:21; 24:16
6Im garra meigim sheid brom det hotwan san en pleis blanga jidan seifwan en draiwan brom det rein.” Lagijat na aibin tok.
Who We AreWhat We EelieveWhat We Do
2025 by iamachristian.org,Inc All rights reserved.
