1Ebriyiya wen det kolwetha bin oldei binij, det taim na ola king bin oldei stat fait gija.
Wal wen det kolwetha bin binij, King Deibid bin jandim im solja olabat garram Jowab blanga fait langa ola Emanait solja, en detlot Isreil solja bin bidim detlot Emanait solja, en afta deibin go en meigim olabat kemp raidaran langa det taun gulum Reiba blanga fait langa ola Emanait solja hubin jidan langa det taun.
Wal King Deibid nomo bin go langa det fait. Imbin stap deya gin langa Jerusalem,
22Wal det mesinja bin go langa King Deibid, en imbin dalim im wanim Jowab bin dalim im blanga tok,
23“Detlot enami blanga wi bin brabli strongbala, en deibin kamat brom det taun blanga fait langa wi langa opin kantri, en melabat bin bidim olabat, en melabat bin kipgon ranimap olabat raidap langa det taun,
24en wen melabat bin kamat gulijap langa det taun, deibin shudum melabat garram bo en erro, en deibin kilim ded sambala boswan solja blanga yu, en deibin kilim ded det solja blanga yu neim Yuraiya du.” Lagijat na det mesinja bin tok.
25Wal wen King Deibid bin irrim det wed, imbin dalim det mesinja, “Yu garra gobek en meigim Jowab gudbinji, en yu garra dalim im nomo blanga wori, dumaji nobodi kaan sabi hu garra dai langa eni fait. En yu garra dalim im blanga fait brabli adbalawei en bidim detlot pipul deya langa det taun.”
26Wal wen det bednyus bin kamat langa Bethsheba, imbin kraikrai blanga im hasbin nomo lilbit.
27En wen det taim blanga kraikrai bin binij, Deibid bin jandim wed langa det gel blanga kaman langa im, en wen imbin go langa im kemp, Deibid bin merrit langa im, en det gel bin abum lilboi blanga im.
Wal YAWEI nomo bin gudbinji langa King Deibid blanga tharran na weya imbin silip garram det gel en afta hau imbin meigim det gel hasbin dai langa fait.
Who We AreWhat We EelieveWhat We Do
2025 by iamachristian.org,Inc All rights reserved.
