1IA kaʼu a raica na lomalagi vou kei na vuravura vou; ni sa takali na lomalagi makawa kei na vuravura makawa; ia ka sa: segai sara na waitui.
2Ia koi au ko Joni, au a raica na koro tabu, o Jerusalemi vou, sa lako sobu mai vua na Kalou mai lomalagi, a sa ukucavu me vaka na yalewa vou sa uku me lako vua na watina.
3Ia kaʼu a rogoca e dua na vosa vakadomoilevu mai lomalagi, sa kaya, Raica, a vale ni Kalou sa tu vei ira na tamata, ia ena tiko vata kei ira ko koya, ia era na nona tamata, ia ko koya na Kalou ena tiko vata kei ira, me nodra Kalou.
4Ia na Kalou ena tavoya tani kecega na wai-ni-mata mai na matadra; ia ena sega tale na ciba, se na rarawa, se na tagi, ka na sega tale na vutu: ni sa takali tani na ka makawa.
5Sa qai vosa ko koya sa tiko e nai tikotiko-vakaturaga, Raica, au sa vakavouya mai na ka kecega. A sa kaya ko koya vei au, Vola mada: ni sa vosa mana ka dina o qo.
6A sa kaya ko koya vei au, Sa caka oti. Oi au na Alifa kei na Omeka, na kenai vakatekivu kei na kenai vakataotioti Au na i solia walega vua sa viagunu, mai na vurevure ni wai ni bula.
7O koya sa gumatua ena rawata na ka kecega o qo. Au na nona Kalou koi au, ia ena luvequ ko koya.
8Ia ko ira na daurere, kei ira e vakatitiqa, kei ira e vakasisilataki, kei ira na daulaba, kei: ira na dauyalewa, kei ira e kila ka-vakate-voro, kei ira sa dausoro ki na veimatakau, kei ira na daulasu kecega sa votai vei ira na nodrai votavota e na drano sa caudre kina na buka kei na sulifure: ia o qo nai karua ni mate.
9Sa qai lako mai vei au e dua vei iratou na agilose e lewe vitu, eratou sa taura na bilo e vitu sa sinai e na mate ca ena muri sara mai, a sa vosa vei au, ka kaya, Lako mai kike, au na vakatakila vei iko na yalewa vou, na wati ni Lami.
10A sa kauta na yaloqu ko koya ki na dua na ulu-ni-vanua levu ka cecere, a sa vakatakila vei au na koro levu, ko Jerusalemi savasava, sa lako sobu mai lomalagi mai vua na Kalou,
11a sa tu kina nai ukuuku ni Kalou: ia na kena rarama e vaka na vatu dredre sara, e vaka na vatu jasipa, e vakaraitayaloyalo me vaka na karisitala;
12ia na kena bai e levu ka cecere, a sa tinikarua na kena matamata-ni-koro, a sa tinikarua na agilose sa tu e na matamata-ni-koro, a sa volai kina na yacadra, ia o qori na nodra na nodra yavusa e tinikarua na luve i Isireli:
13e tolu na matamata-ni-koro sa donuya na tu-i-cake; e tolu na matamata-ni-koro sa donuya na tokalau; e tolu na matamata-ni-koro sa donuya na ceva; e tolu na matamata-ni-koro sa donuya na ra.
14Ia na bai ni koro e tinikarua na vatu na kena yavu, a sa tu kina na yacadratou nai apositolo e tinikarua ni Lami.
15Ia sa qumia e dua na gasau koula ko koya sa vosa vei au, me katuma kina na koro, kei na kena matamata-ni-koro, kei na kena bai.
16Ia sa va na yasa ni koro, a kena balavu e tautauvata kei na kena raraba: a sa katuma na, koro ko koya e na gasau, a sa udolu ka lima na drau na kena maili. Ia sa tautauvata na kena balavu kei na kena raraba kei na kena cecere.
17A sa katuma ko koya na kena bai, a kena caga e rua na drau ka walusagavulu ka walu, me vaka nai vakarau ni tamata, ko ya na kena na agilose.
18A sa viri me bai na jasipa; ia na koro sa koula dina sara ga, me vaka nai iloilo makare.
19Ia na yavu ni bai ni koro sa vakaiukuukutaki e na veivatu talei kecega. Ai matai ni kena yavu na jasipa; ai karua, na safairi; ai katolu, na kalikitoni; ai kava, na emeralita;
20ai kalima, na saritonikisa; ai kaono, na saritiusi; ai kavitu, na kari-solita; ai kawalu, na perili; ai kaciwa, na topasa; ai katini, na karisopiraso; ai katinikadua, na vatu karakarawa; ai katinikarua, na amecisita.
21Ia na matamata-ni-koro sa caka e na mata-ni-civa e tinikarua: sa dua na mata-ni-civa sa caka kina na matamata-ni-koro yadua; a sala koula vinaka sara na sala ni koro, me vaka nai iloilo makare sara.
22Ia sa sega na vale-ni-soro kaʼu a kunea kina: ni sa kena vale-ni-soro na Kalou Kaukauwa kei na Lami.
23A sa sega ni yaga e na koro o qo na mata-ni-siga, se na vula, me cila kina: ni sai ukuuku ni Kalou sa vakararamataka, ia sa kena rarama na Lami.
24Ena lako voli e na kena rarama ko ira na lewe ni veivanua era sa vakabulai: o ira na tui kei vuravura era sa kauta mai na nodrai ukuuku kei na nodra vakarokoroko me tu kina.
25Ia na kena veimatamata-ni-koro ena sega ni sogo e na siga; ni na sega kina na bogi.
26Ia era na kauta mai me tu kina nai ukuuku kei na vakarokoroko ni veivanua.
27Ia e sega sara e dua na ka eda vakasisilataka ena curu kina, se dua na ka e kitaka na ka ca, se daulasu: ia ko ira ga era sa volai e na nonai vola ni bula na Lami.
Who We AreWhat We EelieveWhat We Do
2025 by iamachristian.org,Inc All rights reserved.
