1IA kaʼu a raica e dua tale na agilose kaukauwa sa lako sobu mai lomalagi, sa vakaisulu e na o: a sa vakaisala na uluna e na drodrolagi, sa vaka na mata-ni-siga na matana, a sa vaka na duru buka-waqa na yavana;
2a sa taura nai vola lailai na ligana, ka sa tevu tu: a sa tokara ko koya na yavana i matau e na dela ni wasawasa, kei na yavana i mawi e na dela ni vanua,
3a sa kaci vakadomoilevu, me vaka na laioni sa tagi: ia ni sa kaci oti ko koya, sa qai cavuta na nodratou vosa na kurukuru e vitu.
4Ia ni ratou sa cavuta oti na nodratou vosa na kurukuru e vitu, au sa voleka ni volavola: au sa qai rogoca na vosa mai lomalagi, sa kaya vei au, Dregata na ka sa cavuta na kurukuru e vitu, ka kakua ni vola.
5Ia na agilose kaʼu a raica ni sa tu e na wasawasa kei na vanua, sa laveta cake na ligana ki lomalagi,
6a sa bubului e na yaca i koya sa bula tawa mudu, o koya ka buli lomalagi, kei na veika sa tu kina, kei vuravura, kei na veika sa tu kina, kei ua waitui, kei na veika sa tu kina, ni sa sega tale na gauna e vo:
7ia ni na sa yaco na gauna ni domona nai kavitu ni agilose, ni sa vakatekivu ko koya me uvuca, ena vakaoti vinaka na ka vuni ni Kalou, me vaka na nona vosa vei ira na nonai talatala ko ira na parofita.
8Sa qai vosa tale vei au na domo kaʼu a rogoca mai lomalagi, ka kaya, Mo lako ka kauta nai vola lailai tea tevu tu, o koya sa taura na liga ni agilose sa tu e na wasawasa kei na vanua.
9Au sa qai lako vua na agilose, ka kaya vua, Solia mai vei au nai vola lailai. A sa kaya vei au ko koya, Taura, ka kania sara; ia ena gaga e ketemu, ka na kamikamica ga e gusumu me vaka na oni.
10Au sa qai kauta mai nai vola lailai mai na liga ni agilose, kaʼu sa kania sara; a sa kamikamica e gusuqu me vaka na oni: ia niʼu sa kania oti, sa gaga sara na ketequ.
11A sa kaya vei au ko koya, O na vunau tale e na matadra na matanitu e vuqa, kei na veivanua, kei na dui vosavosa, kei na tui e so.
Who We AreWhat We EelieveWhat We Do
2025 by iamachristian.org,Inc All rights reserved.
