Ai Vakatakila 6 - AI VOLA TABU（FIJ1864）

E ono na drega ni vola sa cecega ko na Lami, 1-17.

1IA kaʼu a raica ni sa cecega e dua na drega ko na Lami, ia kaʼu a rogoca e dua vei iratou ua ka bula e le va, sa vaka na kurukuru na domona, ka kaya, Lako mai mo raica.

2Ka raica, au a qai kunea ua ose vulavula: ia ka sa taura na dakai ko koya sa vodo tiko kina; a sa soli vua nai sala-vakaturaga; a sa lako yani ko koya e na gumatua, ka me gumatua vakalevu.

3IA ni sa cecega ko koya nai karua ni drega, au sa rogoca nai karua ni ka bula sa kaya, Lako mai mo raica.

4A sa dua tani tale na ose sa lako yani, sa damudamu: a sa soli vua sa vodo tiko kiua me kauta tani e vuravura na sautu, ka me ra veiraravui tikoga: a sa soli vua nai seleiwau levu.

5IA ni sa cecega ko koya nai katolu ni drega, au sa rogoca nai katolu ni ka bula sa kaya, Lako mai mo raica. Ia kaʼu a raica, ka raica, sa dua na ose loaloa; ia ko koya sa vodo tiko kina, sa taura nai vakarau e na ligana.

6Au a rogoca na domo e na kedratou maliwa na ka bula e va, sa kaya, Me volitaki nai vakarau witi e na pene-e-vitu, ka tolu nai vakarau parile e na pene-e-vitu; ka raica mo kakua ni vakacacana na waiwai se na waini.

7IA ni sa cecega ko koya nai kava ni drega, au sa rogoca nai kava ni ka bula sa kaya, Lako mai mo raica.

8Ia kaʼu a vakaraica, ka raica! sa dua na ose yago-rara: a sa yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni wase kei vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.

9IA ni sa cecega ko koya nai kalima ni drega, au sa raica e ruku ni cabocabo-ni-soro na yalodra era a vakamatei e ua vuku ni vosa ni Kalou, kei na vuku ni nodra vakatusa;

10era sa tagi vakadomoilevu cake, ka kaya, Evei gona na siga, Turaga, yalododonu ka dina, o na sega beka ni lewa ka cudruvaka na keimami dra vei ira era sa tiko mai vuravura?

11A sa soli yadua vei ira nai sulu vulavula; a sa kainaki vei ira, me ra cegu tiko mada vakalailai, me oti mada mai ko ira na nodrai tokani kei na wekadra, era na vakamatei mada me vakataki ira.

12IA kaʼu sa raica ni sa cecega ko koya nai kaono ni drega, ka raica! sa vuki vakalevu na vanua: a sa loaloa sara na mata-ni-siga me vaka nai sulu vutika ni manumanu loaloa, a sa liadra na vula;

13a sa qeqera ki vuravura na veikalokalo ni lomalagi, e vaka na kau lolo ni sa qeqera na vuana sa dreu leca, ni sa kurea na cagi kaukauwa.

14A sa lako tani yani na lomalagʼme vaka nai vola balavu sa vivigi vata; a sa kau tani mai na nodra yasana na ulu-ni-vanua kecega kei na yanuyanu kecega.

15Ia ko ira na tui kei vuravura, kei na tamata era kena turaga, kei na tamata vutuniyau, kei ira na vu-ni-valu, kei ka na tamata qaqa, kei ira kece na bobula, kei ira kecega nai taukei, era sa vuni ira e na veiqara kei ua veiuluvatu e na veiulu-ni-vanua;

16a ra sa kaya ki na veiulu-ni-vanua kei na veiuluvatu, Lutuki keimami, ka tabonaki keimami mai na mata i koya sa tiko e nai tikotiko-vakaturaga, mai na nona cudru talega na Lami:

17ni sa qai yaco dina na siga levu ni nona cudru; ia ko cei ena yatedei me na tiko rawa?