1OI au na qase vua na daulomani ko Keio, o koya kaʼu sa lomana vakaidina.
2Na lomani, sa dua bau na ka kaʼu sa gadreva vakalevu, mo kalougata ka bula vinaka, me vaka ni sa bula vinaka sara na yalomu.
3Niʼu sa reki vakalevu, ni ra sa lako mai na veiwekani ka tukuna na dina sa tu vei iko, me vaka ni ko sa daumuria na dina.
4Sa levu na noqu reki e na vuku ni ka e dua bauga o qo, niʼu sa rogoca ni ra sa muria ga na dina ko ira na luvequ.
5Na lomani, ko sa kitaka vakadodonu na ka kecega ko sa kitaka vei ira na veiwekani, vei ira talega na vulagi;
6ko ira era sa tukuna na nomu loloma e na matadra nai vavakoso lewe ni soro; ia kevaka ko sa kauti ira mai e na nodra lako mai me vaka ni sa vinaka vua na Kalou, o na cakava na ka vinaka:
7ni ra a lako yani e na vuku ni yacana, a sa sega e dua na ka era taura maivei ira sa tawa-lotu.
8O koya sa dodonu kina mo da vakacegui ira era sa vakakina, me da veivuke kina e na dina.
9Au a vola vei ira nai vavakoso lewe ni soro: ia ko Tiotirifi, o koya sa vinakata me uasivi cake vei ira, sa sega ni vakacegui keitou.
10O koya o qo kaʼu na nanuma kina na nonai valavala sa kitaka ko koya, niʼu na lako yani, ni sa dauvosavakacacataki keitou e na vosa ca: a sa sega ni kitaka walega o qo, sa bese talega ni vakacegui ira na veiwekani, a sa tarovi ira era via kitaka, a sa biuti ira tani e nai vavakoso lewe ni soro.
11Na lomani, kakua ni muria na ka ca, na ka ga sa vinaka. O koya sa caka vinaka sa luve ni Kalou: ia ko koya sa caka ca sa sega ni raica oti na Kalou.
12Sa rogorogo vinaka ko Timitirio maivei ira kecega, mai na dina talega; io, keitou sa tukuna vakakina; ka dou sa kila ni sa dina na neitoui tukutuku.
13Sa vuqa na ka vei au meʼu vola, ia kaʼu na sega ni vola vei iko e na wai ni volavola kei na peni:
14ia kaʼu sa nakita me raici iko kusarawa, me daru veivosaki e na matanavotu. Me tu vei iko na vakacegu. Sa loloma yani vei iko ko ira na veiwekani. Me cavu mada na loloma vei ira yadua na veiwekani.
Who We AreWhat We EelieveWhat We Do
2025 by iamachristian.org,Inc All rights reserved.
