II. Ai Vola I Joni. 1 - AI VOLA TABU（FIJ1864）

Sa vola vua e dua na marama ko Joni, me vakarota vua, vei ira talega na luvena, me ra muria nai vakavuvuli dina, 1-13.

1OI au ua qase vua ua marama sa digitaki tu, kei ira na luvena, o ira kaʼu sa lomana dina; ia ka sa sega ni koi au walega, o ira kece talega era sa kila na dina;

2e na vuku ni dina, o koya sa tiko e ua lomada, ena tu ga vei keda ka tawa mudu:

3Me nomudou ua loloma, na yalololoma, na vakacegu, mai vua ua Kalou ko Tamada, kei na Turaga ko Jisu Karisito, na luve i Tamada, e na dina kei ua loloma.

4Au a reki vakalevu niʼu a kunei ira, e so na luvemu era sa daulako e ua dina, me vaka eda sa rawata ua vosa mai vua na Tamada.

5Ia kaʼu sa qai vakamasuti iko, na marama, ia ka sa sega ni vaka niʼu sa vola vei iko na vunau vou, o qori ga sa tu vei keda mai nai vakatekivu, me da veilomani vakai keda.

6Ia ua loloma o qo, me da muria na nona vunau. Sa vunau o qo, Me vaka na ka dou a rogoca mai nai vakatekivu, mo dou lako vakakina.

7Ni ra sa lewe vuqa na dauveivakacalai sa curu ki vuravura, ko ira era sa sega ni vakatusa ni sa liatamata mai ko Jisu Karisito. O koya o qo na dauveivakacalai kei na meca i Karisito.

8Dou vakaraici kemudou, me kakua ni yali vei keda na ka keitou a kitaka, me keitou rawata kecega na kenai sau.

9O koya yadua sa talaidredre, ka sa tawa tu dei e nai vakavuvuli kei Karisito, sa sega ni tu na Kalou vei koya. O koya sa tu dei e nai vakavuvuli kei Karisito, sa tu na Tamada kei na Luvena talega vei koya.

10Kevaka e dua sa lako kivei kemudou, a sa sega ni kauta nai vakavuvuli o qo, kakua ni kauti koya ki vale, se vosavakalougatataka:

11ia ko koya sa vosavakalougatataka sa tautauvata kaya e na nonai valavala ca.

12Sa vuqa na ka kaʼu sa via vola vei kemudou, ia kaʼu sa sega kina ni vinakata e na pepa kei na wai ni volavola: ia kaʼu sa nakita me lako vei kemudou, ka veivosaki e na matanavotu, me levu sara kina na noda marau.

13Sa loloma yani vei iko ko ira na luvena na wekamu yalewa sa digitaki tu. Emeni.