1OI kemudou ua wekaqu, dou kakua ni taura vata na digitaki ira na tamata, kei na vakabauti Jisu Karisito, na noda Turaga sa vakarokorokotaki.
2Ia kevaka sa curu ki na nomudou vale-ni-lotu e dua ua tamata sa vakamama koula, e nai sulu vakaiukuuku, a sa curu talega kina na tamata dravudravua, e nai sulu ca;
3ia dou sa vakarokorokotaki koya sa vakaisulu e nai sulu vakaiukuuku, ka kaya vua, Mo tiko e ua yasana vinaka o qo; ia dou sa kaya vua na tamata dravudravua, Mo mani tu yani kikea, se mai tiko e na ruku ni tutu-ni-yavaqu:
4dou sa qai sega li ni ia na veidigitaki, ka sa yaco kina mo dou daulewa e ua vakasama ca?
5Dou rogoca, oi kemudou na wekaqu lomani, Sa sega beka ni digitaki ira ko na Kalou era sa dravudravua e ua ka vakavuravura me ni vutuniyau e na vakabauta, me ra taukena talega na matanitu sa yalataka ko koya vei ira era sa lomani koya?
6Ia dou sa beca ua tamata dravudravua. Era sa sega beka ni vakasaurarataki kemudou ko ira na vutuniyau, ka yarataki kemudou ki na veibure ni veilewai?
7Era sa sega beka ni vosavakacacataka na yacana vakarokoroko dou sa vakatokai kina?
8Kevaka dou na muria sara na vunau vakaturaga me vaka nai Vola, Mo lomana na kai nomu me vakataki iko, dou na qai caka vinaka:
9ia kevaka dou sa digitaki ira na tamata, dou sa qai valavala ca, ka sa beitaka vei kemudou ko na vunau nai valavala ca.
10Ia ko koya ena muria na vunau taucoko, ka cala ga e na tikina e dua bauga, sa beitaki me vaka sa talaidredre ki na ka kecega.
11Ni sai koya ga sa kaya, Kakua ni dauyalewa, sa kaya talega, Kakua ni laba. Ia kevaka ko sa sega ga ni dauyalewa, ia ko sa laba ga, o sa yaco kina mo talaidredre ki na vunau.
12Dou vosa vakakina, ka valavala vakakina, me vakataki ira era na lewai me vaka na vunau ni lalaga.
13Ni na lewai ka tawa lomani, ko koya sa sega ni ia na loloma; ia na dauloloma sa rawa na veilewai.
14Ena yaga vakacava, oi kemudou na w ekaqu, kevaka sa kaya e dua ni sa tu vua na vakabauta, kevaka sa sega vua na cakacaka! ena vakabulai koya beka na vakabauta?
15Ia kevaka sa dua na veiwekani se yalewa se tagane sa sega na nonai sulu, ka sega na kena kakana sa yaga ki na siga,
16ia ka dua vei kemudou sa kaya vei ira, Dou lako e na vakacegu, dou tatalai ka vakamamautaki; ia dou sa sega ga ni solia na veika e yaga ki na yagodra; a cava na betena?
17Sa vaka talega kina na vakabauta kevaka sa sega ni tu vata kei na cakacaka, sa mate ga, ni sa tu duaduaga.
18Ia ka sa dua beka e kaya, Sa tu ga vei iko na vakabauta, sa tu ga vei au na cakacaka; mo vakatakila mai vei au na nomu vakabauta ni sa sega ga na cakacaka, ia kaʼu na vakatakila vei iko na noqu vakabauta e na noqu cakacaka.
19O sa vakabauta beka ni sa dua na Kalou; o sa caka vinaka: ia ko ira talega na tevoro era sa vakabauta, a ra sa sautaninini talega.
20O sa via kila beka, o iko na tamata sesewa, ni sa mate ga na vakabauta ni sa sega na cakacaka:
21e sega beka ni vakadonui ko Eparaama na tamada e na vuku ni cakacaka, ni sa vakacabora na luvena ko Aisake e na dela ni cabocabo-ni-soro?
22O sa raica beka ni sa veivuke na vakabauta kei na nona cakacaka, a sa taucoko sara mai na vakabauta e na vuku ni cakacaka?
23A sa vakayacori kina nai Vola o koya sa kaya, Sa vakabauta na Kalou ko Eparaama, a sa okati vua mei valavala dodonu; a sa vakatokai me Weka ni Kalou.
24O koya o qo dou sa raica kina ni sa vakadonui na tamata e na vuku ni cakacaka, a sa sega ga e na vuku ni vakabauta duaduaga.
25Sa vaka talega kina ko Reapi na yalewa ka dautagane, sa sega li ni vakadonui e na vuku ni cakacaka, ni sa vakacegui rau nai talaki, ka vakatala yani e na sala tani?
26Ni sa vaka na mate ni yago ni sa takali na yalo, sa vakakina na mate ni vakabauta ni sa takali na cakacaka.
Who We AreWhat We EelieveWhat We Do
2025 by iamachristian.org,Inc All rights reserved.
