II. Vei Ira Na Kai Korinica 7 - AI VOLA TABU（FIJ1864）

Sa vakarota vei ira me ra lomani koya, a sa reki sara, ni ra sa qai veivutuni e na ka sa vola, kina eliu vei ira, e na vuku talega ni ra a lomani Taito ni sa lako vei ira, 2-16.

1O KOYA e na vuku ni sa tu vei keda na vosa ni yalayala o qo, oi kemudou sa daulomani, me da vakasavasavataki keda mai na dukadukali kecega ni yago kei na yalo, mc da ia sara na ka savasava e na rere vua na Kalou.

2DOU lomani keitou ga; keitou sa sega ni kitaka vakatani e dua, keitou sa sega ni vakacacana e dua, keitou sa sega ni taura na nonai yau e dua.

3Sa sega ni ka ni veibeitaki na noqu vosa: niʼu sa kaya oti eliu, ni dou sa tu e na vu ni yalo i keitou me da bula vata ka mate vata.

4Sa levu na noqu doudou niʼu sa vosa vei kemudou, au sa rekitaki kemudou vakalevu; au sa sinai sara e na vakacegu, au sa marau vakalevu sara e na neitou rarawa kecega.

5Ia ni keitou sa yaco ki Masitonia, sa sega ni cegu na yago i keitou, ia keitou sa vakararawataki ga e na ka kecega; etautuba sa ia na veivala, eloma sa ia ua rere.

6Ia na Kalou, o koya sa vakacegui ira era sa vakabalei sobu, sa vakacegui keitou ni sa lako mai ko Taito;

7a sa sega walega e na nona lako mai, a ya talega e na veivakacegui sa vakacegui kina ko koya e na vukumudou, ni sa tukuna vei keitou na nomudou daugadreva, na nomudou tagi, na nomudou loloma katakata vei au; kaʼu sa reki vakalevu cake kina.

8E dina ya niʼu a vakararawataki kemudou e nai vola, ia kaʼu sa sega ni veivutuni kina, ia kaʼu a veivutuni ga eliu; niʼu sa qai kunea ni sa vakararawataki kemudou nai vola ko ya, ia ka sa dede vakalailai ga.

9Au sa qai reki, ka sega ga ni dou a vakararawataki, a ya ga ni dou sa rarawa ki na veivutuni: ni dou sa vakararawataki me vaka na loma ni Kalou, mo dou kakua kina ni vakacacani maivei keitou e na dua na ka.

10Ia na rarawa sa vaka na loma ni Kalou sa vakayacora na veivutuni ki na bula a ya sa sega e veivutunitaki mai: ia na rarawa vakavuravura sa vakayacora na mate.

11Ia ka raica, na ka o qo, io, na nomudou rarawa sa vaka na loma ni Kalou, sa vakaevei ni sa vakatubura vei kemudou na gugumatua! io, na cakitaka na beitaki, io, na cudrucudru, io, na rere, io, na gadreva vakalevu, io, na lomakatakata, io, na via sauma na ca! E na ka kecega dou sa vakadinadinataka ni dou sa tawa cala e na ka ko ya.

12O koya o qo, niʼu sa vola vei kemudou, sa sega ni ka e na vukuna sa cakava na ka ca ko ya, se na vukuna walega sa vakacacani, a ya ga mc vakaraitaki vei kemudou na neitou daunanumi kemudou e na mata ni Kalou.

13O koya o qo keitou sa vakacegui kina e na nomudou veivakacegui; ia keitou sa reki vakalevu cake e na vuku ni reki i Taito, ni sa vakacegui na yalona e na vukumudou kecega.

14Ia kevaka kaʼu a vakacaucautaki kemudou vua e na ka e so, au sa qai sega ni madua kina; ia sa vaka ni sa dina na ka kecega keitou a tukuna vei kemudou, sa kune vaka talega kina mc dina na neitou veivakacaucautaki e na mata i Taito.

15Ia sa ka levu sara na nona loloma vei kemudou, ni sa nanuma ko koya na nomudou talairawarawa kecega, ni dou sa veikidavaki kaya e na rere kei na sautaninini.

16O koya kaʼu sa reki kina niʼu sa qai vakararavi vei kemudou e na ka kecega.