II. Vei Ira Na Kai Korinica 2 - AI VOLA TABU（FIJ1864）

Sa kaya ka koya me ra lomani koya tale na tamata ka caka cala ka sa qai veivutuni, ni sa vakakina ko koya, 1-11. Sa qai tukuna na ka sa lako kina ki Masitonia, a sa tukuna m sa vakarokorokotaki ko na Kalou e nai tukutuku-vinaka, 12-17.

1IA kaʼu sa lewa vakaoqo e na lomaqu, meʼu kakua ni lako tale vei kemudou e na veivakararawataki.

2Io, kevaka kaʼu sa vakararawataka na lomamudou, o cei sa vakamarautaki au, o koya duaduaga kaʼu sa vakararawataka?

3Ia kaʼu a vola vakakina vei kemudou, de vakararawataki na lomaqu, niʼu lako yani, e na vukudra ka dodonu meʼu reki kina; kaʼu sa vakararavi ga vei kemudou kecega ni sa nomudou kecega na noqu reki.

4Ni sa rarawa vakalevu ka yaluma na lomaqu niʼu a vola vei kemudou, a sa vakawai vakalevu na mataqu; sa sega ni ka mo dou rarawa kina, a ya ga mo dou kila kina ni sa levu sara na noqu loloma vei kemudou.

5Ia kevaka e dua sa ia na veivakarara-waraki, sa sega ni koi au sa vakararawataka ko koya, sai kemudou kecega, ia sa so sa vakalailai ga, meʼu kakua ni vakabibitaka vakalevu.

6Sa rauti koya sa vakaoqo na kenai sau o qo, sa maivei ira na lewe vuqa:

7a sa kilikili cake kina mo dou kua soti ni cudruva, ka mo dou vakaceguya, de tilomi koya sa vakaoqo na rarawa levu sara.

8O kova o qo kaʼu sa masuti kemudou kina, mo dou vakadinadinataka na loloma vei koya.

9Ni sa ka o qo kaʼu a vola yani kina, meʼu kilai kemudou se dou sa vakaevei ni dou sa vakatovolei, se dou sa talairawarawa e na ka kecega, se segai.

10Ia kevaka dou sa tawa cudruva e dua e na dua na ka, au sa vaka talega kina koi au; ia kevaka kaʼu sa tawa cudruvaka e dua na ka, sai kemudou ga kaʼu sa tawa cudruvaka kina, e na mata i Karisito;

11de rawai keda ko Satani: ni da sa tawa lecava na nona vei lawakitaki.

12IA niʼu a lako ki Tiroa e na vuku ni tukutuku-vinaka kei Karisito, a sa dolava vei au na katuba ko na Turaga,

13sa sega ni cegu na yaloqu, niʼu sa tawa kunei Taito na wekaqu: au sa qai tatau vei ira, ka lako tani ki Masitonia.

14Me ia na vakavinavinaka vua na Kalou, o koya sa tuberi keitou tikoga e na reki e na yaca i Karisito, ka sa vakatakila vata kei keitou e na vasana kecega ni sa boivinaka na kilai koya.

15Ni sai keitou sa boivinaka kina e na mata ni Kalou ko Karisito, e na kedra maliwa era sa vakabulai, kei na kedra era sa vakarusai:

16vei ira o qo sa boivinaka veivakamatei me ra mate kina; vei ira o qori sa boivinaka veivakabulai me ra bula kina. Ia ko cei sa tautauvata kei na veika o qo?

17Ni keitou sa sega ni dauvakatanitaka na vosa ni Kalou, me vakai ira na lewe vuqa; a ya ga, me vaka na ka dina, me keitou sa vakataki ira era sa dina sara, me vaka sa mai vua na Kalou, e na mata ni Kalou, keitou sa vosa e na yaca i Karisito.