I. Vei Ira Na Kai Korinica 15 - AI VOLA TABU（FIJ1864）

E so na tamata sa vakatitiqataka na nodra tu cake tale na mate, a sa vakadinadina ko Paula ni sa tu cake tale ko Jisu, 1-19. Sa qai tukuna vinaka sara na tu cake tale mai na mate, a sa vakarota vei ira me ra gumatua, e na vuku ni ka o qo, 20-58.

1IA kaʼu sa vakatakila vei kemudou, na veiwekani, nai tukutuku-vinaka kaʼu a vunautaka vei kemudou, a ya dou a vakabauta talega, dou sa tu dei talega kina;

2a ya dou sa bula talega kina, kevaka dou sa nanuma tiko na ka kaʼu a vunautaka vei kemudou, kevaka sa sega ni ka walega na nomudou vakabauta.

3Niʼu a tukuna taumada vei kemudou na ka kaʼu a rawata, ni ka mate ko Karisito e na vuku ni nodai valavala ca me vaka nai Vola:

4ni ka bulu talega, ni ka tu cake talega e nai katolu ni siga me vaka nai Vola;

5ni ka rairai talega vei Kifa, vei iratou emuri na tinikarua;

6ka rairai emuri vei ira vata na veiwekani era lewe lima na drau ka vakacaca; e lewe vuqa vei ira era sa bula ka yacova na siga o qo, a sa moce tu e so.

7Sa rairai emuri ko koya vei Jemesi; sa qai vei iratou kecega nai apositolo.

8Sa rairai emuri sara vei au talega, me vaka vua e dua sa tauvoki.

9Niʼu sa uasivi sobu vei iratou kecega nai apositolo, au sa sega ni yaga meʼu vakatokai mei apositolo, niʼu a vakacacana nai vavakoso lewe ni soro ni Kalou.

10Ia na loloma ga ni Kalou kaʼu sa yaco kina ki na noqu tiko edaidai: ia na nona lomani au sa sega ni tawa yaga; ia kaʼu sa uasivi cake vei iratou kecega e na cakacaka; ia ka sa sega ni koi au walega, a ya ga na loloma ni Kalou sa tiko vei au.

11Ia kevaka koi au, se ko iratou, keitou sa vunau vakakina, ia dou sa vakabauta talega vakakina.

12Ia kevaka sa vunautaki ko Karisito ni sa tu cake tale mai na mate, era sa kaya vakacava e so vei kemudou ni sa sega ga na tu cake tale mai na mate?

13Ia kevaka sa tawa tu cake tale ko ira na mate, sa qai sega ni tu cake tale mai ko Karisito:

14ia kevaka sa sega ni tu cake tale mai ko Karisito, sa qai ka walega na neitou vunau, a ka wale talega na nomudou vakabauta.

15Ia keitou sa kune kina me daulasulasu ni keitou sa tukuna na Kalou; ni keitou sa tukuni koya na Kalou ni sa vakaturi Karisito cake mai; ia ka sa sega ni vakaturi kova cake tale, kevaka sa tawa tu cake tale ko ira na mate.

16Io, kevaka sa sega ni tu cake tale ko ira na mate, sa qai sega ni vakaturi cake tale ko Karisito:

17ia kevaka sa sega ni vakaturi cake tale ko Karisito, sa tawa yaga na nomudou vakabauta; sa tu vei kemudou edaidai na nomudoui valavala ca:

18era sa mai rusa ko ira talega era sa nei Karisito, ka sa moce tu.

19Kevaka eda sa vakanuinui me yaga vei keda ko Karisito e na bula ga o qo, eda sa qai vakaloloma vakalevu cake vei ira kecega na tamata.

20Ia ka sa qai tu cake tale mai na mate ko Karisito, a sa yaco me kedrai sevu era sa moce tu.

21Ni sa vaka ni sa vu ni mate na tamata, sa vaka talega kina ni sa vu ni tu cake tale mai na mate na tamata.

22Ni sa vaka ni sa mate kecega e na vuku i Atama, ena vakabulai kecega vakakina e na vuku i Karisito.

23Ia yadua ena vaka na ka sa lesi vua: o Karisito nai sevu; ena qai muri ko ira era sa nei Karisito, ni sa lako tale mai ko koya.

24Sa muri na kenai vakataotioti, ni sa solia ko koya na lewa vei koya na Kalou, ko Tamana; ni sa vakaotia ko koya na lewa kecega kei na veitalia kecega, kei na kaukauwa.

25Ni sa lesi me lewa ko koya, me viritaki sobu mada na meca kecega e ruku ni yavana.

(

26Na meca ena vakaoti emuri sara ko mate.)

27Ni sa vakamalumalumutaki na ka kecega e ruku ni yavana. Ia ni sa kainaki ni sa vakamalumalumutaki na ka kecega, sa macala sara ni sa sega ni cavuti ko koya sa vakamalumalumutaka vua na ka kecega.

28Ia ni sa vakamalumalumutaki oti vua na ka kecega, ena qai vakamalumalumutaki ko na Luvena vei koya sa vakamalumalumutaka na ka kecega vei koya, me sai koya duadua na Kalou e na yasana kecega.

29Kevaka sa sega ni vakaoqo, a cava era cakava ko ira sa papitaisotaki o na vukudra na mate? kevaka sa sega sara ni tu cake tale ko ira na mate, a cava era sa papitaisotaki kina e na vukudra ua mate?

30Koi keitou talega sa kolai mate e ua tiki-ni-siga kecega e ua vuku ni cava?

31Sa vaka na noqu rekitaki kemudou e ua veika i Karisito Jisu na noda Turaga, ua kena dina niʼu sa mate mai e na veisiga.

32Kevaka sa vakatamata ga na noqu veivala kei na manumanu daukata mai Efeso, a cava na betena vei au? kevaka sa sega ni tu cake tale ko ira na mate, me da kana ga ka gunu, ni da na mate e na sabogibogi.

33Dou kakua ni veivakaisini: sa vakacala nai valavala vinaka ua dautiko kei ua ca.

34Dou yadra mai me vaka sa dodonu, ka kakua ni valavala ca; ni sa tu e so era sa sega ni kila na Kalou; au sa tukuna mo dou madua kina.

35Ia ena kaya e dua, Ena vakaturi cake tale vakaevei ko ira na mate? ia na yago cava era na lako mai kina?

36O sa lialia, a ka ko sa tea sa sega ni bula cake, kevaka sa sega ni mate mada:

37ia na ka ko sa tea, ko sa sega ni tea ua yago ena tubu cake mai, a sila walega, se na kena na witi, se na kena na tani:

38a sa solia ua yagona na Kalou me vaka sa vinaka vua, ia ki na sila yadua na yagona vakai koya.

39Sa sega ni tautauvata na lewe ni ka kecega: ia sa dua ga na lewedra na tamata, ka dua tale na lewedra na manumanu e yavai va, ka dua tale na lewedra na ika, ka dua tale na lewedra na manumanu sa vuka.

40Sa vakalomalagi na yago e so, a sa vakavuravura na yago e so; a sa dua na nodrai ukuuku era sa vakalomalagi, a sa dua tani ua kedra era sa vakavuravura.

41Sa dua nai ukuuku ni mata-ni-siga, a sa dua tani nai ukuuku ni vula, a sa dua tani nai ukuuku ni veikalokalo: ni sa uasivi cake nai ukuuku ni kalokalo e dua e na kena na kalokalo e dua tani.

42Sa vaka talega kina na tu cake tale mai na mate. Ni sa tei, sa vuca; ni sa vakaturi cake tale, sa tawa vuca tu:

43ni sa tei, sa vakasisilataki; ni sa vakaturi cake tale, sa vakaiukuukutaki: ni sa tei, sa malumalumu; ni sa vakaturi cake tale, sa kaukauwa:

44ni sa tei, sa yago ka vaka na bula vakatamata; ni sa vakaturi cake tale, sa yago e vaka na bula vakayalo. Sa dua na yago sa vaka na bula vakatamata, a sa dua na yago sa vaka na bula vakayalo.

45Me vaka na ka sa volai, A Atama sa taumada sa caka me tamata bula; a Atama sa muri, me yalo sa vu ni bula.

46Ia ka sa sega ni taumada na ka sa vaka na bula vakayalo, na ka ga sa vaka na bula vakatamata; a sa qai muri na ka sa vaka na bula vakayalo.

47Sa mai vuravura, sa vakavuravura na tamata sa taumada; sa mai lomalagi na tamata sai karua, na Turaga.

48Sa vakataki koya sa vakavuravura ko ira era sa vakavuravura: sa vakataki koya talega sa vakalomalagi ko ira era sa vakalomalagi.

49Ia me vaka ni da sa vakaisulu e na nona yaloyalo sa vakavuravura, eda na vakaisulu talega e na nona yaloyalo sa vakalomalagi.

50Ia kaʼu sa kaya o qo, oi kemudou na veiwekani, ni sa dredre ni rawata na matanitu ni Kalou na yago sa vakalewe ka vaka-dra; ena sega talega ni yaco me tawa vuca rawa na ka sa vuca rawarawa.

51Raica, au sa vakatakila vei kemudou e dua na ka vuni: Eda na tawa moce kece, ia eda na vakamataliataki ga kecega,

52ena vakasauri sara, e vaka na sauriva ni matada, e na davui sa muri sara: ni na uvuci na davui, ena qai vakaturi cake tale ko ira na mate me tawa vuca tale, eda na vakamataliataki talega koi keda.

53Ni sa lesi mo vakaisulu na yago vuca o qo me kakua tale ni vuca rawa, ka me vakaisulu na yago sa mate o qo me kakua tale ni mate rawa.

54Ia ni sa vakaisulu oti na yago vuca o qo me kakua tale ni vuca rawa, ka sa vakaisulu oti na yago mate o qo me kakua tale ni mate rawa, ena qai vakayacori kina na vosa sa volai, Sa guca na mate, a sa vakaoti.

55I mate, sa evei na nomu bati gaga? I bulubulu, sa evei na nomu gumatua?

56Sa bati gaga ni mate nai valavala ca; ka sa kaukauwa ni valavala ca na vunau.

57Ia me ia na vakavinavinaka vua na Kalou, o koya sa solia vei keda na gumatua e na vuku ni noda Turaga ko Jisu Karisito.

58O koya, oi kemudou na wekaqu lomani, mo dou qai tu dei sara, mo dou kakua ni yavala, mo dou uasivi cake e na cakacaka ni Turaga e na gauna kecega, ni dou sa kila ni sa sega ni ka walega na nomudou cakacaka e na vuku ni Turaga.