1IA e na vuku ni veika vakayalo, oi kemudou na veiwekani, au sa sega ni vinakata mo dou tawa kila.
2Dou sa kila ni dou a tiko tawa lotu, ni dou sa kau yani ki na veimatakau galu, me vaka ni dou sa tuberi.
3O koya o qo kaʼu sa vakatakila kina vei kemudou, ni sa sega e dua na tamata sa vakavuna na nona vosa ko na Yalo ni Kalou, a sa vosavakacacataki Jisu: a sa sega e dua sa kaya rawa ni sa Turaga ko Jisu, a ya ga e na Yalo Tabu.
4Ia sa dui lako na ka sa soli, a sa dua bauga na Yalo.
5Sa dui lako talega nai valavala ni cakacaka, a sa dua bauga na Turaga.
6Sa dui lako talega nai valavala ni ka sa caka, a sa dua bauga na Kalou, o koya sa cakava na ka kecega vei ira kecega.
7A sa soli yadua vei ira na tamata nai vakatakilakila ni Yalo mc yaga kina.
8Ni sa soli vua e dua e na cakacaka ni Yalo na vosa ni vuku; vua tale e dua na vosa ni kila ka, e nai valavala ni Yalo talega;
9vua tale e dua na vakadinata, e na cakacaka ni Yalo talega; vua tale e dua nai solisoli me vakabulai ira sa tauvi-mate, e na cakacaka ni Yalo talega;
10vua tale e dua me cakava na veika-mana; vua tale e dua me parofisai; vua tale e dua me kila na veiyalo; vua tale e dua na vosa tani e so; vua tale c dua na vakaibalebaletaka na vosa tani e so:
11ia na Yalo c dua bauga sa cakava na ka kecega o qori, ni sa vota yadua vei ira na tamata mc vaka na nona veitalia.
12Ni sa vaka ni sa dua bauga na yago, a sa vuqa na tikina, ia na tikina kecega ni yago c dua bauga o qo, sa lewe vuqa ga, a sa tu vata ga e na yago e dua bauga: sa vaka talega kina ko Karisito.
13Ni da sa papitaisotaki kecega ki na yago e dua bauga e na Yalo e dua bauga, se da kai Jutia, se da kai tani, se da bobula se da lalaga; eda sa vagunuvi talega c na Yalo c dua bauga.
14Ni sa sega ni dua walega na tikina e na yago, sa vuqa ga.
15Kevaka ena kaya na yava, Oi au, kaʼu sa sega ni tiki ni yago, niʼu sa sega ni liga; sa tawa ka o qo sa sega kina ni tiki ni yago.
16Ia kevaka ena kaya na daliga, Oi au, kaʼu sa sega ni tiki ni yago, niʼu sa sega ni mata; sa tawa ka o qo sa sega kina ni tiki ni yago.
17Kevaka sa mata na yago taucoko, ena qai evei na ka mc rogo kina? Kevaka e ka ni rogo na tikina kece, ena qai evei na ka me boi kina?
18Ia ka sa viritaka ko na Kalou na veitiki ni yago me tu yadua, me vaka na nona veitalia.
19Ia kevaka sa dua bauga na tikina kecega, ena qai evei na yago?
20Ia o qo, sa vuqa na tikina, a sa dua bauga na yago.
21A sa sega ni kaya rawa na mata ki na liga, Ko sa tawa yaga vei au; se na ulu ki na yava, Drau sa laiva yaga vei au.
22Ia ka sa vakalevu cake talega o qori, a veitiki ni yago eda sa nanuma ni ra sa malumalumu, era sa yaga sara:
23ia na veika ni yagoda, eda sa nanuma ni ra sa matamata-vinaka vakalailai, o qori eda sa vakaiukuukutaka vakalevu cake: ia na veitikida sa tawa lagilagi sa vakalagilagitaki vakalevu cake.
24Ni sa sega ni yaga ki na veitikida sa lagilagi vakai ira: ia ka sa vakaveiwakitaka; vata na yago ko na Kalou, a sa lewa me nanumi vakalevu cake o qori sa uasivi sobu:
25mo kakua kina ni veisei na yago; ka me veivakananumi ga tautauvata na; veitikina vakai ira.
26Ia kevaka sa rarawa e dua na tikina, sa rarawa vata na tikina kecega; se dua na tikina sa dokai, sa reki vata na tikina kecega.
27Ia koi kemudou na yago i Karisito, ka dui tikina yadua.
28A sa lesi ira e so ko na Kalou e nai vavakoso lewe ni soro, a kenai matai ko iratou nai apositolo, ai karua na parofita e so, ai katolu nai vakavuvuli e so, sa qai muri ko ira sa daucaka-mana, kei ira sa soli kina me ra vakabulai ira sa tauvi-mate, ko ira era veivuke, ko ira era lewa, ko ira era kila na vosa tani e so.
29Era sai apositolo kecega li? era sa parofita kecega li? era sai vakavuvuli kecega li? era sa daucaka-mana kecega li?
30era sa rawata kecega li nai solisoli me ra vakabulai ira sa tauvi-mate? era sa vosa kecega li e na vosa tani e vuqa? era sa vakaibalebaletaka li ko ira kecega?
31Ia dou gadreva vakalevu na veisolisoli vinaka sara: ia kaʼu sa vakatakila vei kemudou nai valavala sa uasivi cake na kena vinaka.
Who We AreWhat We EelieveWhat We Do
2025 by iamachristian.org,Inc All rights reserved.
