I. Vei Ira Na Kai Korinica 11 - AI VOLA TABU（FIJ1864）

Sa vunauci ira ni ra vakaisala na tagane ni ra sa masu e na vale-ni-lotu: ia ko ira na yalewa era sa sega ni vakaisala, 1-16. Sa qai tukuna nai tukutuku ni vakayakavi ni Turaga, 17-34.

1DOU vakadamurimuri au, me vakataki au vei Karisito.

2IA kaʼu sa dokai kemudou, na veiwekani, ni dou sa nanumi au e na ka kecega, ka vakabauta nai vakavuvuli, me vaka kaʼu a solia vei kemudou.

3Ia kaʼu sa vinakata mo dou kila ni sa ulu ni tamata yadua ko Karisito; ia na ulu ni yalewa na tagane; kei na ulu i Karisito ko na Kalou.

4A tamata yadua, o koya sa masu se vosa e na Yalo, ni sa ubi na uluna, sa vakaisina na uluna.

5Ia na yalewa yadua o koya sa masu se vosa e na Yalo ni sa tawa ubi na uluna, sa vakaisina na uluna: ni sa vakaoqo sa vaka sara ni sa tasi.

6Ia kevaka sa tawa ubi na yalewa, me tasi talega: ia kevaka sa ka e veivakamaduataki me koti na yalewa se tasi, me qai ubi.

7Ni sa sega sara ni dodonu vua na tagane me ubia na uluna, ni sai yaloyalona kei na kenai ukuuku na Kalou ko koya: ia na yalewa nai ukuuku ni tagane.

8Ni sa sega ni mai vua na yalewa na tagane; sa mai vua ga na tagane na yalewa.

9Ni sa sega ni buli na tagane me nona na yalewa; a ya ga na yalewa me nona na tagane.

10O koya o qo sa dodonu kina me tu nai ubi e na ulu ni yalewa mei vakatakilakila ni kena malumalumu, e na vukudra na agilose.

11Ia ka sa sega ni tawase na tagane mai na yalewa, se na yalewa mai na tagane, e na Turaga.

12Io, ni sa mai vua na tagane na yalewa, sa vaka talega kina na tagane e na vuku ni yalewa; ia sa mai vua na Kalou na ka kecega.

13Dou lewa vakai kemudou: sa kilikili kaya na yalewa li me tawa ubi ni sa masu vua na Kalou?

14Sa sega li ni vakavulici kemudou nai valavala sa lesi, kevaka sa balavu na drau ni uluna na tagane, na ka e veivakamaduataki vua na ka ko ya?

15ia kevaka sa balavu na drau ni uluna na yalewa, a nonai ukuuku ga na ka ko ya: ni sa soli vua na drau ni uluna mei ubi?

16Ia kevaka sa via dauveileti e dua, sa sega ni neitoui valavala o qo, se na nodra na veivavakoso lewe ni soro ni Kalou.

17Ia niʼu sa vakarota tiko o qo, au sa sega ni vinakata ni dou sa sega ni vinaka cake ni dou sa soqoni vata, ia dou sa ca sobu kina.

18Io, na ka sa liu, ni dou sa soqoni vata mei vavakoso lewe ni soro, au sa rogoca ni dou sa dau vei sei; ia kaʼu sa vakadinata e so:

19ni sa dredre me sega ni tubu na dauveiba vei kemudou, me rairai kina ko ira vei kemudou era sa vinakati.

20Ia ni dou sa soqoni vata e na yasana e dua, dou sa sega ni ia dina nai vakayakavi ni Turaga.

21Ia ni dou sa kana, sa dui kania yadua eliu na kenai vakayakavi a sa viakana kina e dua, ka mateni e dua.

22Sa qai sega beka na nomudou veivale mo dou kana ka gunu kina? se dou vakamaduataki ira beka sa sega na nodra, ka beca nai vavakoso lewe ni soro ni Kalou? A cava meʼu vosataka vei kemudou? meʼu dokai kemudou li e na ka o qo? Au sa sega ni doka.

23Niʼu a rogoca mai vua na Turaga na ka kaʼu a tukuna talega vei kemudou, Ni sa taura nai buli madrai na Turaga ko Jisu e na bogi sa soli yani kina ko koya:

24ia ni: sa vakavinavinaka oti sa dovia, ka kaya, Taura, kania: o qo na yagoqu sa dovi e na vukumudou; cakava o qo mo dou vakananumi au kina.

25Sa vaka talega kina na bilo, ni sa kania oti nai vakayakavi ko koya, sa kaya, Na bilo o qo na veiyalayalati vou e na noqu dra; c na gauna kecega dou sa gunuva kina, dou kitaka o qo mo dou vakananumi au kina,

26Io, c na gauna kecega dou sa kania kina na madrai o qo, ka gunuva na bilo o qo, dou sa vakatakila kina na nona mate na Turaga, ka yacova na nona lako mai.

27Ia ena tarogi kina e na vuku ni yago ni Turaga kei na nona dra, o koya yadua ena kania na madrai o qo, ka gunuva na bilo ni Turaga, ka tawa doka.

28Ta me liaci koya mada na tamata vakai koya, me qai kana e na madrai ko ya, ka gunu e na bilo ko ya.

29Ni sa kania ka gunuva na nona cudruvi ko koya sa kania ka gunuva ka tawa doka, ni sa sega ni raica na vago ni Turaga.

30E na vuku ni ka o qo sa lewe vuqa kina vei kemudou sa malumalumu ka tauvi-mate, ka lewe vuqa sa moce.

31Io, kevaka eda sa lewai keda, eda na tawa lewai.

32Ia ni da sa lewai, sa cudruvi keda na Turaga, me da kakua ni lewai me cudruvi vatu kei ira era sa vakavuravura.

33O koya o qo, oi kemudou na wekaqu, ni dou sa soqoni vata me kana, dou veiwaraki.

34Ia kevaka e dua sa viakana, me kana ga mai vale; mo dou kakua kina ni soqoni vata mai mo dou cudruvi. Ia na ka sa vo kaʼu na vakadodonutaka niʼu sa lako yani.