I. Vei Ira Na Kai Korinica 9 - AI VOLA TABU（FIJ1864）

Sa tukuna, ko koya ni sa sega ni tabu vua me veitaliataki koya e na ka e so, a sa dodonu ga mc ra voli koya e na nona cakacaka vei ira; ia ka sa vinakata ko koya me vosota na oca, kei na ka kecega, e na vukudra, me tubu kina na cakacaka ni Kalou, 1-23. Sa tautauvata kei na cici cere na lotu, 24-27.

1SA sega li ni apositolo koi au? au sa sega li ni lalaga? au a sega li ni raici Jisu Karisito na noda Turaga? oi kemudou, dou sa sega li ni noqu cakacaka e na Turaga?

2Kevaka kaʼu sa sega ni apositolo vei ira e so tani, au sai koya dina vei kemudou: ni sai vakatakilakila niʼu sai apositolo na nomudou tu vata kei na Turaga.

3Au sa kaya vakaoqo vei ira era sa tarogi au,

4Keitou sa sega beka ni veitalia me keitou kana, se gunu?

5keitou sa sega beka ni veitalia me keitou kauta voli c dua na yalewa lotu, sa wati i keitou, me vakataki ira nai apositolo tani, kei iratou na taci ni Turaga, kei Kifa?

6se keirau duaduaga kei Parinapa, keirau sa sega beka ni veitalia me keirau kua so ni cakacaka?

7O cei sa laʼki valu e na dua na siga, ka sa voli koya vakai koya? o cei sa tea na were-ni-vaini, ka sa sega ni kana e na vuana? se ko cei sa vakania na qele-ni-sipi, ka sa sega ni gunu e na wai-ni-sucu ni qele-ni-sipi?

8Au sa vosataka na veika o qo me vaka na tamata ga, se segai? sa sega beka ni kaya vakakina na vunau?

9ni sa volai c na vunau i Mosese, Mo kakua ni vauca na gusu ni karavau sa buturaka na sila. Sa daunanuma beka na karavau ko na Kalou?

10se sa vosa beka ko koya c na vuku i keitou ga? Io, sa volai o qo e na vuku i keitou; ni sa dodonu me cuki were e nai nuinui ko koya sa daucuki; ka me nona sa buturaka na sila nai nuinui ni na rawata na ka sa vakanuinuitaka.

11Kevaka keitou sa kaburaka oti vei kemudou na veika vakayalo, sa ka levu beka me keitou kumuna na nomudou veika vakavuravura?

12Kevaka sa veitaliataki kemudou ko ira na tamata tani e so, e sega beka ni dodonu sara vei keitou? Ia keitou sa sega ni veitalia vakaoqo; keitou sa vosota na ka kecega, de keitou tarova nai tukutuku-vinaka kei Karisito.

13Dou sa sega beka ni kila, ni ra sa kana e na ka ni vale-ni-soro ko ira sa dauia na cakacaka tabu? era sa rawata na kedra mai nai cabocabo-ni-soro ko ira era sa dauqarava nai cabocabo-ni-soro?

14Sa lesia vakakina ko na Turaga me ra bula e nai tukutuku-vinaka ko ira era sa tukuna nai tukutuku-vinaka.

15Ia kaʼu sa sega ni vakayagataka e dua na ka o qo; au sa sega talega ni vola na veika o qo, me sa caka vakakina vei au: ni sa vinaka vei au meʼu mate, ka ca me dua e tarova na ka kaʼu sa vakalevulevui au kina.

16Ia kevaka kaʼu sa vunautaka nai tukutuku-vinaka, sa sega na ka meʼu vakalevulevui au kina: ni kaʼu sa vakasaurarataki; ia ka sa ca sara vei au, kevaka kaʼu sa sega ni vunautaka nai tukutuku-vinaka!

17Ia kevaka kaʼu sa cakava na ka o qo ni sa vinakata na yaloqu, au sa saumi; ia kevaka ni sa tawa vinakata na yaloqu, sa soli ga vei au c dua na cakacaka vakaitalatala.

18A cava sa qai noqui sau? Na noqu cakava nai tukutuku-vinaka kei Karisito me kakua ni vakaivolitaki, niʼu sa vunautaka nai tukutuku-vinaka, meʼu kakua kina ni cakava me ca na noqu veitalia e nai tukutuku-vinaka.

19Ni sa dina ga niʼu sa lalaga maivei ira kecega na tamata, ia kaʼu sa qisi au meʼu nodra kaisi na tamata kecega, meʼu rawai ira kina na lewe vuqa.

20Ia kaʼu sa yaco meʼu vaka e dua na Jiu vei ira na Jiu, meʼu rawai ira kina na Jiu; vei ira sa vauci c na vunau, meʼu vaka e dua sa vauci e na vunau, meʼu rawai ira kina era sa vauci e na vunau;

21vei ira sa sega kina na vunau, meʼu vaka e dua sa sega kina na vunau, meʼu rawai ira kina sa sega kina na vunau, (ia ka sa sega ni takali vei au na vunau ni Kalou, au sa muria ga na vunau i Karisito);

22vei ira era sa malumalumu kaʼu sa yaco meʼu vaka e dua sa malumalumu, meʼu rawai ira kina era sa malumalumu: au sa yaco me ka kecega vei ira kecega na tamata, me dua na ka kaʼu sa vakabulai ira kina e so.

23Ia na ka o qo kaʼu sa cakava e na vuku ni tukutuku-vinaka, meʼu rawata kina na kenai sau koi au talega.

24Dou sa sega beka ni kila ni ra sa cici kecega ko ira sa ciciva na cere, a sa dua bauga sa tauca na cere? Dou cici vakakina, mo dou tauca.

25Ia ko koya yadua sa via veiqati, sa tiko malua e na ka kecega; ia ko ira o qori, me nodra e dua nai sala sa ca rawarawa; ia koi keda, me dua sa tawa ca rawa.

26Au sa cici vakakina, sa sega ni vaka e dua e tawa kila: au sa vacu vakakina, sa sega ni vaka e dua sa vacuka na cagi:

27ia kaʼu sa vakamalumalumutaka na yagoqu, au sa vakabobulataka, de dua na ka, niʼu sa vunau vei ira na tamata tani, au qai kune niʼu sa tawa vinakati.