I. Vei Ira Na Kai Korinica 6 - AI VOLA TABU（FIJ1864）

Sa vunauci ira ko koya ni ra sa lako vei ira era sa tawa lotu mc ra leleci, 1-8. Sa tukuna ni na sega ni rawata na matanitu ni Kalou na tamata ca, 9-11. A yagoda sa sega ni noda walega, a sa nei Karisito, kei na vale ni Yalo Tabu; o koya mc da kakua kina ni vakacacana, 12-20.

1E DUA beka vei kemudou e doudou, ni rau sa veicudruvi kei na dua tani, mo rau laʼki lewai e na matadra na tawa yalododonu, me kakua ga e na matadra na lotu?

2Dou sa sega beka ni kila ni na lewai ira na kai vuravura ko ira era sa lotu? ia kevaka dou na lewai ira na kai vuravura, dou sa tawa yaga beka me lewa na ka lailai sara?

3Dou sa sega beka ni kila ni da na lewai ira na agilose? ia sa sega li ni vakalevu cake na veika vakavuravura o qo?

4Ia kevaka dou sa ia na veilewalewai vakavuravura, dou lesi ira kina era sa dokai vakalailai sara e nai vavakoso lewe ni soro.

5Au sa vosa, mo dou madua kina. E dina beka ni sa vakaoqo, ni sa sega sara e dua vei kemudou sa vuku, mo lewai ira rawa na wekana?

6a ra sa lako na veiwekani me ra veilewalewai, io, e na matadra era sa tawa vakabauta?

7Ia sa qai ka ca vakaidina vei kemudou o qo, ni dou sa dauia na veilewalewai. E vakaevei ni dou sa sega ni vinakata cake kina mo dou vakacacani? e vakaevei ni dou sa sega ni vinakata cake kina mo dou veikovekove?

8Ia koi kemudou, dou sa dauveivakacaca, dou sa daukovekove, io, vei ira na wekamudou.

9Dou sa sega beka ni kila, ni na sega ni rawata na matanitu ni Kalou ko ira na tawa yalododonu? Dou kakua ni vakaisini kemudou: o ira na daudara, kei ira na dausoro ki na matakau, kei ira na dauyalewa, kei ira na viavia vaka na yalewa, kei ira na vei-moceri vakatagane,

10kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou.

11Ia ka sa vakakina eliu koi kemudou c so: ia dou sa mai vui, dou sa mai vakasavasavataki, dou sa mai vakadonui, e na yaca ni Turaga ko Jisu, kei na Yalo ni noda Kalou.

12Sa tara vei au na ka kecega, ia ka sa sega ni yaga na ka kecega; sa tara vei au na ka kecega, ia kaʼu na sega ni laiva me rawai au e dua na ka.

13Sa ka ki na kete na kakana, ka sa ka ki na kakana na kete; ia ena vakarusai rau ruarua ko na Kalou. Ia sa tawa ka me daudara na yago, ka mc nona ga na Turaga; ia sa yaga na Turaga ki na yago.

14Ia na Kalou ka vakatura cake na Turaga, ena vakaturi keda cake talega, e na nona kaukauwa.

15Dou sa sega beka ni kila ni sa veitiki i Karisito na yagomudou? ia meʼu kauta beka na veitiki i Karisito, ka cakava me veitiki i koya na yalewa-dautagane? Me kakua sara.

16E vakaevei? dou sa sega beka ni kila, o koya o qo erau sa veitau kei na yalewa-dautagane erau sa yago e dua bau? ni sa kaya ko koya, Oi rau na lewe rua, erau na yago e dua bau.

17Ia ko koya sa veitau kaya na Turaga erau sa yalovata.

18Dou dro tani mai na daudara. Sa tawa vakayago nai valavala ca kecega sa kitaka na tamata; ia ko koya sa daudara sa valavala ca ki na yagona.

19E vakaevei? dou sa sega beka ni kila ni sa vale ni Yalo Tabu na yagomudou, o koya sa curumi kemudou, o koya dou sa rawata mai vua na Kalou, ia dou sa sega ni nomudou?

20ni dou sa voli e nai voli; o koya o qo mo dou qai vakarokorokotaka na Kalou, e na yagomudou, kei na yalomudou, erau sa nona ga na Kalou.