1NA kena tiko duadua na koro, ka oso e na tamata! na kena yaco me tautauvata kei na alewa dawai! o koya ka levu ki na veimatanitu, ka marama ki na veivanua, na kena sa koro qali mai!
2Sa tagi vakalevu ko koya kei na bogi, ia na wai ni matana Sa tu ga e baluna; sa sega vua e dua vei ira kecega na wekana me vakacegui koya: o ira kece na nonai tokani era sa lawakitaki koya, era sa yaco me nona meca.
3Sa kauti vakabobula tani ko Juta e na vuku ni sai valavala vakaukauwa, kei na vuku ni sa ia na dauveiveilavi: sa tiko ko koya e na veimatanitu, sa tawa kunea na vakacegu: o ira kece era vakasavi koya era sa vauci koya e na yasana qiqo.
4A sala ki Saioni, sa tagi, ni sa sega e so e lako mai ki na nona solevu tabu: a nona matamata-ni-koro kecega, sa lala: o ira na nona bete, era sa vutugu; o ira na nona gonealewa, era sa rarawa; io sa rarawa vakalevu sara ko koya.
5O ira sa vakacacani koya, era sa liu; o ira na nona meca, era sa tiko vinaka; ni sai Jiova sa vakararawataki koya c na vuku ni nona dauvuki vakalevu: o ira na nona gone lalai, era sa lako vakabobula tani e matana na dauvakacaca.
6A sa takali vua na gonealewa ni Saioni na nonai ukuuku kecega; o ira na nona turaga, era sa vaka na teira sa tawa kunea rawa na co, a ra sa lakolako tu ka sega na nodra kaukauwa e na mata i koya sa vakasava.
7Sa nanuma ko Jerusalemi e na gauna ni nona rarawa kei na nona tiko sese na nona ka domoni kecega ka tu vua eliu, ni ra sa lutu na nona tamata ki ligana na dauvakacaca, ka sa sega e totaki koya: ni ra raici koya ko ira na meca, era sa dredrevaka na nona siga tabu.
8Sai valavala ca vakalevu ko Jerusalemi; o koya o qo sa vakasesei kina: o ira kece ka dokai koya era sa beci koya, e na vuku ni ra sa raica na nona luvawale: io, sa vutugu ko koya, a sa vuki vakanadaku.
9A nona dukadukali, sa tauva na tutu ni nonai sulu; sa tawa nanuma ko koya ki na nonai otioti; o koya o qo sa ka veivakidacalataki kina na nona lako sobu: sa sega e dua me vakacegui koya. Mo raica, Jiova, na noqu rarawa: ni sa vakalevulevui koya na meca.
10A ligana sa dodoka ko koya na meca ki na nona ka domoni kecega: ni sa raica ko koya na lewe ni veivanua ni ra sa curu ki na nona vale tabu, o ira ko a vakatatabuya me ra kakua ni curu ki na nomui soqosoqo.
11O ira kece na nona tamata, era sa vutugu, era sa qara na kedra; era sa solia na nodra ka domoni mei voli ni kakana me vakalesuya mai na yalodra: mo raica, Jiova, ka vakananuma; niʼu sa ka beci mai.
12E ka wale beka vei kemudou kece sa lako voli yani? dou mai raica, ka kila se dua na rarawa sa vaka na noqu rarawa, sa caka vei au, ni sa qai vakararawataki au ko Jiova e na siga ni nona cudru katakata.
13Ia maicake sa tala mai ko koya na buka ki suiqu, a sa gumatua kina: sa tevuka na lawa me rawa na yavaqu, sa vakalesui au kimuri: sa cakavi au meʼu tiko taudua, me sa bibi na lomaqu e na veisiga.
14Sa vauca na wa ni savenaki na kequ ka ni vuki e na ligana: sa tobei, sa viri-bale mai ki domoqu: sa vakabalea na noqu kaukauwa, sa soli au ko Jiova ki na ligadra, au sa sega ni tu cake rawa.
15Sa biuta sobu na Turaga na noqu qaqa kecega era tiko vei au: sa kaciva nai vavakoso vei au ko koya me mai musuki ira na noqu cauravou: sa sikaraka na Turaga na gonealewa na luve i Juta, me vaka nai keli-ni-waini.
16E na vuku ni ka o qo kaʼu sa tagi kina; mai mataqu, io mai mataqu sa dave sobu na wai, ni sa yawa vei au ko koya na dauveiva-kacegui me na vakalesuya na yaloqu: a luvequ, era sa luveniyali, ni sa gumatua na meca.
17Sa tevuka yani ko Saioni na ligana, a sa sega e vakaceguya; sa vakarota e na vuku i Jekope ko Jiova, me vakavolivoliti koya ko ira na nona meca: sa tautauvata ko Jerusalemi kei na dua na alewa tawa savasava e na kedra maliwa.
18Sa yalododonu ko Jiova; ni sa gusuna kaʼu sa talaidredre kina: dou rogoca mada, oi kemudou na tamata kecega, ka mai raica na noqu rarawa: o ira na noqu gonealewa kei na noqu cauravou, era sa lako vakabobula tani.
19Au a kacivi ira mai na wekaqu, a ra sa lawakicataki au: o ira na noqu bete kei na noqu qase, era sa ciba e loma ni koro, ni ra qara voli tu na kedra kakana me vakalesuya kina na yalodra.
20Mo raica mai, Jiova; niʼu sa vuturi: sa rise na bati ni ketequ; sa saumaki na yaloqu e lomaqu; niʼu sa talaidredre vakalevu sara: ia maitautuba, sa vakayali ira na luvequ nai seleiwau; mai vale, sa vaka sa tiko mai ko mate.
21Era sa rogoca ni sa vutugu koi au: sa sega e vakacegui au: o ira kece na noqu meca era sa rogoca na kequ ca; era sa marau ni ko sa cakava: o na vakayacora na siga ko sa kaciva, era na qai vakataki au mai.
22Me tauci na nodra ca kece e matamu; io mo cakava vei ira, me vaka na nomui valavala vei au e na vuku ni noqu dautalaidredre: ni sa ka levu na noqu vutugu, a sa bibi na lomaqu.
Who We AreWhat We EelieveWhat We Do
2025 by iamachristian.org,Inc All rights reserved.
