1SA vosa vakaoqo ko Jiova; Raica, au na vakatubura me kei Papiloni, kei ira sa tiko e na kedra maliwa era mai bolei au, e dua na cagi veivakarusai;
2ia kaʼu na tala ki Papiloni e so na dauiri sila, a ra na irivi koya, ka vakalalataka na nona vanua: ni ra na yacovi koya mai na veiyasana kecega e na siga sa ca kina.
3Vua sa yavia na dakai, me yavi nona dakai kina ko koya na dauvanavana, vei koya talega sa laveti koya cake e nonai sulu ni valu: ia dou kakua ni lomani ira na nona cauravou; dou vakawabokotaka sara na nonai valu kecega.
4Ia era na bale ga na moku e na vanua ni kai Kalitea; kei ira era lausua, e nai saqata ni koro.
5Ni ra sa sega ni biu laivi na Isireli, se ko ira na Juta vua na nodra Kalou, ko Jiova ni lewe vuqa; ia na nodra vanua, sa sinai ga e na caka cala vei Koya na Yalosavasava nei Isireli.
6Dou dro tani mai na loma i Papiloni, ia dou dui drotaka yadua na nona bula: dou kakua ga ni muduki tani e na vuku ni nona caka cala; ni sa gauna ni veisaumi nei Jiova o qo; na veisaumi ena sauma kina vua ko koya.
7A bilo koula ko Papiloni e na liga i Jiova, e sa mateni maikina ko vuravura kecega: a nona waini, era sa gunu kina na veimatanitu; o koya o qo era sa yalosese kina na veimatanitu.
8Sa vakidacala na kena bale ko Papiloni, a sa rusa: dou qoloutaki koya; ia dou kauta na mena wai ni vutu, de na bula beka kina.
9Ia eda a via vakabulai Papiloni, a sa tawa bula rawa: dou vakalaiva ga, me da dui lako yadua ki na dui noda vanua: ni sa yala ki lomalagi na nona cudruvi, ia sa laveti cake sara ki na mata-ni-lagi.
10Sa vakavotona mai ko Jiova na noda yalododonu: me da mai laʼki tukuna ki Saioni na cakacaka i Jiova na noda Kalou.
11Dou vakatawa na taga ni gasau; kumuna vata nai sasabai: sa vakauqeta ko Jiova na yalodra na tui Metia: ni sa nanumi Papiloni ko koya, me vakarusa; e na vuku ni sa veisaumi i Jiova o qo, na veisaumi ni nona vale tabu.
12E dela ni bai ni Papiloni dou vakaduria na drotini, vakaukauwataka na matai vakatawa, lesi ira nai vakatawa, vakarautaka na lawa ni valu: ni sa bukia ko Jiova ka cakava talega na ka sa vosataka me kedra na kai Papiloni.
130 iko sa tiko e dela ni wai levu, ka sa vutuniyau, sa qai yaco na kemui otioti, nai yalayala ni nomu kocokoco.
14Sa vosavavakini ko Jiova ni lewe vuqa ka sa cavuti koya, ka kaya, Au na vakasinaiti iko dina e na tamata, me vaka na nuve; a ra na kailataki iko vakaivalu.
15Sa cakava na vanua ko koya e na nona kaukauwa, sa vakataudeitaki vuravura e na nona vuku, a sa tevuka yani na lomalagi e na nona yalomatua:
16ni sa tabalaka cake na domona, sa levu mai na wai mai lomalagi, a sa vakuvuca cake ko koya na kabukabu mai nai yalayala kei vuravura: sa cakava na livaliva kei na uca, a sa kauta mai na cagi mai na nona lololo.
17Sa vakasesei tani na tamata kecega mai na vuku; sa vakamaduataki na matai kecega e na matakau ceuceu: ni sa ka lasu sara na nona matakau e vakawaicalataki, a sa sega na cegu e lomadra.
18Sa ka lasu ga o qori, na cakacaka dauveivakalialiai: e na gauna era cudruvi kina era na rusa.
19Sa sega ni vakakina na nodrai votavota na Jekope; ni sa bulia na ka kecega ko koya: ia ko ira na Isireli, era sa mataqali sa taukena ko koya: o Jiova ni lewe vuqa na yacana.
20Sai iko na noqu matauiwau kai yaragi ni valu: ia sai iko na ka kaʼu na vorolaka kina na veivanua, a sai iko na ka kaʼu na vakarusa kina na veimatanitu;
21sai iko talega kaʼu na vorolaka kina na ose kei koya sa vodoka; a sai iko kaʼu na vorolaka kina na vale-vodoki kei koya sa vodoka;
22a sai iko kaʼu na vorolaka kina na tagane kei na alewa; a sai iko kaʼu na vorolaka kina na qase kei na gone; a sai iko kaʼu na vorolaka kina na cauravou kei na gonealewa;
23a sai iko kaʼu na vorolaka kina nai vakatawa kei na nona sipi; a sai iko kaʼu na vorolaka kina nai vakatau-ni-were kei na nona karavau e rua; a sai iko talega kaʼu na vorolaki ira kina na turaga ni valu kei na turaga ni lewa.
24Ja kaʼu na qai sauma vua ko Papiloni, vei ira kece talega na kai Kalitea na nodra ca kecega era sa cakava ki Saioni e na matamudou, sa kaya ko Jiova.
25Raica, edaru sa veimecaki kei iko, na ulu-ni-vanua dauveivakarusai, sa vakarusai vuravura kecega, sa kaya ko Jiova: ia kaʼu na dodoka na ligaqu vei iko, ka vaqiqici iko sobu tani mai na uluvatu, ka cakavi iko mo ulu-ni-vanua caucaudre.
26A ra na sega ni kauta tani maivei iko e dua na vatu me vatu ni tutu-ni-vale, se vatu ni yavu; ia ko na lala sara ga ka tawa mudu, sa kaya ko Jiova.
27Dou vakaduria na drotini e na vanua, uvuca na davui e na veivanua, vakaraui valu kaya e na veivanua, kacivi ira na lewe ni veimatanitu ni Ararati, kei Mini, kei Esikinasi, me ra mai laʼki kabai koya; lesia e dua me kena turaga ni valu; vakalakovi ira cake mai na ose me vaka na nuve cocogaigai.
28Vakaraui valu kaya e na veimatanitu, io na nodra tui na kai Metia, kei na nodra turaga ni valu, kei ira kece na nodra turaga, kei ira kece na lewe ni nodra qali.
29Ia ena sautaninini na vanua, ka vutugu: ni na yaco ga ki Papiloni na ka kece sa nakita ko Jiova, me cakavi Papiloni me vanua lala me kakua e tiko kina.
30Era sa kakua ga ni vala na qaqa ni Papiloni, era sa tiko ga e loma ni nodra bai ni valu: sa yali ga na nodra kaukauwa; era sa yalovakaalewa mai: era sa vakama na nodrai tikotiko; sa musuki mai nai vakadei ni koro.
31E dua na daucici ena sota kaya e dua tale na daucici, ka dua na dautukutuku ena sota kaya e dua tale na dautukutuku, me tukuna vei tui Papiloni ni sa kabai na nona koro e na kenai yalayala,
32ia nai lakolako, sa rawa: kei na veigasau, sa kama e na buka; kei ira na tamatai valu, era sa kidroa.
33Ni sa vosa vakaoqo ko Jiova ni lewe vuqa, na Kalou nei Isireli; O koya na gonealewa ni Papiloni sa tautauvata kei na rara ni sila, sa kena gauna o qo me buturaki koya kina; sa vo e lailai, ena qai yaco mai na kena vula i matua.
34Sa kani au, sa vakacacani au ko Nipukatiresari na tui Papiloni, sa cakavi au me bilo maca, sa tilomi au me vaka na gata levu, sa vakamamautaka na ketena e na noqu ka vinaka, sa biligi au tani.
35A qau vakacacani kei na kedra na kai noqu, me tu ga ki Papiloni, ena sa kaya na kai Saioni; ia na kequ dra, me tu ga vei ira na kai Kalitea, ena kaya ko Jerusalemi.
36O koya o qo sa vosa vakaoqo kina ko Jiova; Raica, au na ia na veilewai e na vukumu, ka tara kemui sau, ia kaʼu na vakadiva na nona wasawasa, ka vakayalia na wai ni nonai vurevure.
37Ia ko Papiloni, ena yaco me koro rusa, me qara ni gata lelevu, me ka e kidacalataki, ka vakasiusiutaka me sega e tiko kina.
38Me vaka na laioni, era na tagi vata: era na tagi qoqolou me vaka na luve ni laioni:
39ni ra sa katakata mai, kaʼu na qai cakava na kedra magiti, ka vakamatenitaki ira, me ra marau, ka moce e na moce tawa mudu, ka tawa yadra tale, sa kaya ko Jiova.
40Au na kauti ira sobu me vaka na lami me vakamatei, me vaka na sipi tagane kei na koti tagane.
41Na kena kabai ko Sesaki! na kena rawai ko koya ka rogo e vuravura kecega! na kena yaco ko Papiloni me ka e kidacalataki e na veivanua!
42Sa ualuvu mai ki Papiloni na waitui: e na kena biau e vuqa sa ubi kina ko koya.
43Sa rusa na kena Veikoro, sa vanua dravuisiga ka lekutu mai, na vanua sa tawa tiko kina e dua na tamata, se lako voli yani kina e dua na luve ni tamata.
44Ia kaʼu na cudruvi Peli mai Papiloni, ka kauta tani tale mai gusuna na ka sa tiloma: a ra na tawa drodro tale vei koya na lewe ni veivanua: io na bai ni Papiloni ena bale.
45Dou lako tani mai vua, oi kemudou na noqu tamata, ia dou dui drotanitaka yadua na nona bula mai na cudru katakata i Jiova.
46Ia de kemudou na yalolailai, se rere e na vuku ni rogorogo ena rogoci e na vanua; ena yaco e na dua na yabaki e dua nai rogo, ka oti ka dua tale mai na yabaki, ena qai yaco e dua tale nai rogo, kei na veivakacacani e na vanua, na nodra veiqati na turaga.
47O koya o qo, raica, ena yaco na gauna, kaʼu na cudruva kina na veimatakau ceuceu ni Papiloni: ia na nona vanua taucoko, ena taqaya; kei na nona moku kece, ena bale ga e lomana.
48Ena qai meketaki Papiloni na lomalagi kei na vuravura, kei ira kece era tiko maikina: ni na yacovi koya mai na mata ni tokalau ko ira na dauvakacaca, sa kaya ko Jiova.
49Io ko Papiloni, me vaka ni sa vakabalei ira na Isireli era sa moku, ena bale vaka talega kina mai Papiloni na nodra moku na kai vuravura kecega.
50Oi kemudou sa dro bula rawa mai nai seleiwau, dou lako tani, dou kakua ni tu vakadua: ni dou sa tiko vakayawa, dou vakananumi Jiova; ia ko Jerusalemi, me nanumi e na lomamudou.
51Eda sa taqaya, ni da sa rogoca na veivakalialiai: sa tabonaka na matada na madua: ni ra sa curu na kai tani ki na yasana tabu ni vale i Jiova.
52O koya o qo, raica, ena yaco na gauna, sa kaya ko Jiova, kaʼu na cudruva kina na kena veimatakau: io e na nona vanua taucoko era na vutugu na vuetaki.
53Kevaka ena cabe cake ko Papiloni ki lomalagi, ia kevaka ena vakaukauwataka na nona tikina cecere e kaukauwa, ena lako ga yani vua maivei au ko ira na dauvakacaca, sa kaya ko Jiova.
54Sa dua na domo ni tagi mai Papiloni, kei na veivakarusai levu mai na nodra vanua na kai Kalitea:
55e na vuku ni sa vakacacani Papiloni ko Jiova, ka vakaotia mai vua na kena rorogo levu; ni sa vadugu na kena biau me vaka na wai levu, sa qai rogo na rorogo ni domodra:
56e na vuku ni sa yaco vua, io ki Papiloni, ko koya na dauvakacaca, a ra sa tauri na kena qaqa, ka dui ramusu na nodra dakai: ni sai Jiova na Kalou dauveisaumi ena ia vakaidina na veisaumi.
57Ia kaʼu na vakamatenitaki ira na kena turaga, kei na kena tamata vuku, kei na kena turaga ni valu, kei na kena turaga ni lewa, kei na kena qaqa: a ra na moce e na moce tawa mudu, ka sega ni yadra tale, sa kaya na Tui, ko Jiova ni lewe vuqa na yacana.
58Sa vosa vakaoqo ko Jiova ni lewe vuqa; Na bai raraba ni Papiloni, ena ba-subasuki sara; kei nai sogo cecere ni kena veimatamata-ni-koro, ena vakamai e na buka; a ra na veivakaocataki wale na tamata, kei ira na lewe ni veivanua, e na buka: io era na oca sara.
59A VOSA sa vakarota ko Jeremaia na parofita vei Siraya na luve i Neriya, na luve i Meeseya, ni sa lako tani ko koya maivei Sitikiya na tui Juta ki Papiloni, e nai kava ni yabaki ni nona lewa. Ia ko Siraya o qo na turaga yalomalua.
60A sa vola ko Jeremaia na ca kece ena yaco ki Papiloni, e na dua nai vola, ia na vosa kece o qo sa volai na kei Papiloni.
61A sa kaya ko Jeremaia vei Siraya, Ni ko sa yaco ki Papiloni, ka sa raica, ka wilika na vosa kece o qo;
62mo qai kaya, I Jiova, o iko ko sa vosataka na ka kei na yasana o qo, me muduka tani, me kakua e dua e tiko kina, se na tamata se na manumanu, me na lala tu ga ka tawa mudu.
63Ia ena yaco, ni sa oti na nomu wilika nai vola o qo, mo qai vauca kaya e dua na vatu, ka viritaka ki na loma ni Uferetisi:
64ia mo qai kaya, Ena lutu dromu vakaoqo ko Papiloni, ka sega ni vueti cake tale mai na ca kaʼu na vakayacora vua: io era na oca sara ga.
Sa oti na vosa i Jeremaia.
Who We AreWhat We EelieveWhat We Do
2025 by iamachristian.org,Inc All rights reserved.
