1SAI koya o qo na vosa i Jiova vei Jeremaia na parofita na kedra na veimatanitu;
2io na kena ko Ijipita, na kedra nai valu i Fero-niko na tui Ijipita mai na uciwai ko Uferetisi mai Karikimisi, o qori ka yavita ko Nipukatiresari na tui Papiloni e nai kava ni yabaki i Jioiakimi na luve i Josaia na tui Juta.
3Dou vakarautaka nai sasabai kei nai vakaruru, ka toro yani me ia nai valu.
4Vauca na kedrai yaya na ose; ka vodo, oi kemudou sa dauvodo e na ose, ka dou tu yani ka vakaisala tu; dou solota na moto, suluma nai sulu ni valu.
5A cava kaʼu sa raici ira kina ka ra taqaya ka vuki vakanadaku? ia na nodra qaqa era sa samuti, a ra sa dro sara, ka tawa rai kimuri: sa vakavolivoliti ira na rere, sa kaya ko Jiova.
6Kakua ni dro ko koya sa yava-mamada, se dro bula ko koya sa qaqa; sa vaka ki na mata ni tokalau mai na uciwai ko Uferetisi era na tarabe kina ka bale.
7O cei o qo sa vaka na waluvu sa tubu cake mai, ka vaka na uciwai sa yavavala na kena wai?
8Sai Ijipita o qo sa tubu cake mai me vaka na waluvu ka vaka na uciwai sa yavavala na kena wai; a sa kaya ko koya, Au na tubu cake ka luvuca na vanua; au na vakarusa na koro kei ira sa tiko kina.
9Dou lako cake mai, na ose; ka dou laba mai, na vale-vodoki; ka dou cabe mai, na qaqa; oi kemudou na kai Kusi kei na kai Lipia, sa dautarai sasabai; kei kemudou na kai Litia, sa dautara ka dauyavia na dakai.
10Ni sa nona siga o qo na Turaga ko Jiova ni lewe vuqa, na siga ni veisaumi, me saumi koya kina vei ira na nona meca: ia ena kanakana ga nai seleiwau, ena mamau ka mateni e na kedra dra: ni sa dua na nonai madrali na Turaga ko Jiova ni lewe vuqa mai na vanua mai na tokalau, e na bati ni uciwai ko Uferetisi.
11Mo lako cake ki Kiliati, ka kauta mai na memu wai-ni-mate, o iko na gonealewa, na gone ni Ijipita: ena tawa yaga ni sa levu mai na kemui botani; ni ko na sega ga ni bula.
12Era sa rogoca na veivanua na nomu madua, ia na nomu qoqolou sa robota na vanua: ni sa veitarabe koi rau sa qaqa, a rau sa bale vata ruarua.
13A VOSA sa tukuna ko Jiova vei Jeremaia na parofita, e na vuku ni nona lako mai ko Nipukatiresari na tui Papiloni, me yavita na vanua ko Ijipita.
14Dou tukuna ki Ijipita, ka vakarogotaka ki Mikitoli, ka vakarogotaka ki Memifi kei Tapanesi: dou kaya, Mo tu dei ga, ka vakarau tu; ni sa kana tu nai seleiwau ka sa vakavolivoliti iko.
15A cava era sa uani tani yani kina na nomu qaqa? era tawa tu rawa, ni sai Jiova sa vakasavi ira:
16sa vakabalei ira na lewe vuqa ko koya, io era sa dui veibaleti: a ra kaya, Tu cake, me da lesu tani ki na kai noda, ki na vanua eda a sucu kina, mai nai seleiwau kaukauwa.
17Era a kaci maikea, Sai Fero na tui Ijipita na ue walega; sa sivia ko koya na gauna ka lokuci.
18Me vaka na dina ni noqu bula, sa kaya na Tui, ko Jiova ni lewe vuqa na yacana, Ni sa vakai Tapori ni sa tu dina e na maliwa ni veiulu-ni-vanua, ka vakai Karimeli ni sa tu dina e na bati ni waitui, ena lako dina ga mai ko koya.
19Nai yaya ni nomu lako vakabobula tani mo vakarautaka, o iko na gonealewa sa tiko mai Ijipita: ni sai Memifi ena lala ka vakarusai me sega e tiko kina.
20Sa luve ni karavau matavinaka sara ko Ijipita, ia na dauveikata mai na mata ni tokalau sa lako mai, sa lako mai.
21O ira na nona tamata voli talega era tiko e lomana era sa vaka na karavau uro; ia ko ira tale era sa lesu ga kimuri, era sa dro vata ga: era sa tawa tu dei, ni sa siga ni nodra ca sa yacovi ira mai, na gauna me ra cudruvi kina.
22A domona, ena rogo yani me vaka na domo ni gata: ni sa vakaivalu na nodra lako mai, era na lako mai vua ka ra vakamatau tu, me vakataki ira na dauta kau.
23Era na taya sobu ga na nona veikau, sa kaya ko Jiova, ia ke dredre sara ni vakadikevi; ni ra lewe vuqa ka lewe lailai ga na vodre, ka ra tawa wiliki rawa.
24Ena madua mai na gonealewa ni Ijipita; ena soli ga ki na ligadra na tamata mai na mata ni tokalau.
25Sa kaya ko Jiova ni lewe vuqa, na Kalou nei Isireli; Raica, au na cudruvi Amoni nei No, kei Fero, kei Ijipita, kei ira na nodra kalou, kei na nodra tui: io ko Fero kei ira kecega era vakararavi vua:
26ia kaʼu na soli ira ki na ligadra era qarai ira me vakamatea, ia ki na liga i Nipukatiresari na tui Papiloni, kei na ligadra na nona tamata: ka oti, ena tawa tale me vaka e na gauna eliu, sa kaya ko Jiova.
27Ia ko iko, mo kakua ni rere, Jekope na noqu tamata, io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vakacegu ka vinaka, me sega ena vakarerea.
28O iko, mo kakua ni rere, Jekope na noqu tamata, sa kaya ko Jiova; niʼu sa tiko kei iko koi au: niʼu na vakaotia sara na veimatanitu kecega kaʼu sa vakasevi iko kina, ia ko iko, kaʼu na tawa vakaotia sara: kaʼu na vakanakuitataki iko vakavinaka ga, ia niʼu na sa cudru, kaʼu na tawa cudruvi iko vakalevu sara.
Who We AreWhat We EelieveWhat We Do
2025 by iamachristian.org,Inc All rights reserved.
