Ai Vola I Jeremaia Na Parofita 45 - AI VOLA TABU（FIJ1864）

Ni sa rarawa na loma, i Paruki, 1-3, sa vakavulica ka vakaceguya ko Jeremaia, 4, 5.

1A VOSA sa tukuna ko Jeremaia na parofita vei Paruki na luve i Neriya; ni sa vola oti ko koya na vosa o qo e nai vola mai na gusu i Jeremaia, e nai kava ni yabaki i Jioiakimi na luve i Josaia na tui Juta, ka vaka,

2Sa vosa vakaoqo ko Jiova, na Kalou nei Isireli, vei iko, Paruki;

3O sa kaya, Ule koi au o qo! ni sa vakaikuritaka ko Jiova na noqu rarawa e na yaluma; au sa oca e na noqu vutugu, ia na vakacegu kaʼu sa sega ni kunea.

4Mo vosa vakaoqo vua, Sa vaka ko Jiova; Raica, na ka kaʼu sa tara kaʼu na basuka sobu, kei na ka kaʼu sa tea kaʼu na cavuta cake, io na vanua kecega o qo.

5Ia ko iko ko sa dauqara beka e so na ka levu me nomu? mo kakua ni dauqara: ni sai au, raica, ena vakayacora na ca ki na tamata kecega, sa kaya ko Jiova: ia kaʼu Qa solia vei iko na nomu bula me nomui toki ni valu e na veiyasana kecega ko sa bau lako kina.