Meke 136 - AI VOLA TABU（FIJ1864）

Me ia na vakavinavinaka vua na Turaga e na ka tani e vuqa.

1DOU ia na vakamolimoli vei Jiova; ni sa yalovinaka: ni sa tawa mudu na nona loloma.

2Dou ia na vakamolimoli vua na nodra Kalou na kalou: ni sa tawa mudu na nona loloma.

3Dou ia na vakavinavinaka vua na nodra Turaga na turaga; ni sa tawa mudu na nona loloma.

4Vua sa kitaka na cakacaka mana levu duaduaga: ni sa tawa mudu na nona loloma.

5Vua sa cakavi lomalagi e nona vuku: ni sa tawa mudu na nona loloma.

6Vua ka tevuka na vanua e na dela ni wai: ni sa tawa mudu na nona loloma.

7Vua sa cakava na rarama lelevu: ni sa tawa mudu na nona loloma:

8na mata-ni-siga me lewa e na siga: ni sa tawa mudu na nona loloma:

9na vula kei na kalokalo me lewa e na bogi: ni sa tawa mudu na nona loloma.

10Vua ka mokuti Ijipita ia na nodra ulumatua: ni sa tawa mudu na nona loloma;

11a sa kauti ira tani na Isireli maivei ira: ni sa tawa mudu na nona loloma:

12e na liga kaukauwa, kei na liga sa dodo yani: ni sa tawa mudu na nona loloma.

13Vua ka wasea na Wasa Damudamu: ni sa tawa mudu na nona loloma:

14a sa cakavi ira na Isireli me lako e lomana: ni sa tawa mudu na nona loloma.

15A sa vukici Fero kei na nonai valu e na Wasa Damudamu: ni sa tawa mudu na nona loloma.

16Vua ka kauti ira voli na nona tamata mai na lekutu: ni sa tawa mudu na nona loloma.

17Vua ka mokuti ira na tui levu: ni sa tawa mudu na nona loloma:

18ka vakamatei ira na tui rogo: ni sa tawa mudu na nona loloma:

19o Sioni na nodra tui na luve i Amori: ni sa tawa mudu na nona loloma:

20kei Oki na tui Pasani: ni sa tawa mudu na nona loloma:

21a sa solia na nodra vanua mei votavota: ni sa tawa mudu na nona loloma:

22me nodrai votavota na nona tamata na Isireli: ni sa tawa mudu na nona loloma.

23O koya ka nanumi keda ni da a malumalumu: ni sa tawa mudu na nona loloma:

24a sa vakabulai keda maivei ira na noda meca: ni sa tawa mudu na nona loloma.

25O koya sa solia na kedra na ka kecega sa bula: ni sa tawa mudu na nona loloma.

26Dou ia na vakavinavinaka vua na Kalou ni lomalagi: ni sa tawa mudu na nona loloma.