Meke 137 - AI VOLA TABU（FIJ1864）

Era nanumi Jerusalemi ko ira na kai Jutia ni ra sa bobula, 1-6. Sa tukuna na rusa i Itomi kei Papiloni, 7-9.

1MAI na uciwai mai Papiloni eda a tiko sobu; io, eda a tagi ni da a nanumi Saioni.

2E na wilou e na kena maliwa eda, a vakarubeca na noda api.

3Ia maikea ko ira era kauti keda vakabobula, era sa kerei keda me dua na meke; kei ira era sa vakacacani keda era sa kerea na veidre-drevaki, ka ra sa kaya, Dou meketaka mai vei keda na meke vaka-Saioni.

4Eda na meketaka vakacava na meke i Jiova e na nodra vanua na kai tani?

5Kevaka kaʼu sa guilecavi iko, Jerusalemi, me guilecava na nona vuku na ligaqu i matau.

6Kevaka kaʼu sa tawa nanumi iko, me kabita na dela ni gusuqu na yamequ; kevaka kaʼu sa sega ni rekitaki Jerusalemi vakalevu ka vakalailai na ka kecega kaʼu sa daurekitaka.

7Mo nanumi ira, Jiova, na luve i Itomi e na siga i Jerusalemi; o ira era kaya, Dou vukica, dou vukica, ia kei na kena yavu.

8O iko, na gonealewa i Papiloni, sa lesi me vakarusai; sa na kalougata ko koya sa kitaki iko me vaka ko a kitaki keimami:

9sa na kalougata ko koya sa taura na nomu gone lalai ka viritaka ki na vatu.