Meke 129 - AI VOLA TABU（FIJ1864）

Sa dauvakabulai ira na Isireli na Kalou mai na nodra vakararawataki, 1, 4. Sa cudruvi na nodra meca, 5-8.A Meke ni cabecabe.

1ME kaya mada ko ira na Isireli, E vakavuqa na nodra vakararawataki au mai na gauna kaʼu a cauravou kina:

2e vakavuqa na nodra vakararawataki au mai na gauna kaʼu a cauravou kina: ia ka ra sa sega ni gumatua rawa vei au.

3Era sa cukita na dakuqu ko ira na daucuki: era sa vakababalavutaka na nodrai tova.

4Sa yalododonu ko Jiova: sa cebedrutia laivi na nodrai vau nai valavala ca.

5Me ra vakamaduataki ka vakalesui kimuri era sa cati Saioni.

6Me ra vaka na co mai na dela ni vale, a ya sa malai yani ni sa sega ni tubu vinaka:

7sa sega ni sinai kina na liga i koya sa dau tamusuki sila; se na lomasere i koya sa vau sila.

8A ra sa sega talega ni kaya ko ira sa lako voli maikina, Me vakalougatataki kemudou mada ko Jiova: keitou sa vosavakalougatataki kemudou e na yaca i Jiova.