Meke 130 - AI VOLA TABU（FIJ1864）

Sa tagi vei Jiova, ka waraka.A Meke ni cabecabe.

1MAI na wai titobu kaʼu sa tagi vei iko, Jiova.

2I Jiova, mo rogoca na domoqu: me vakarorogo na daligamu ki na domo ni noqu masu.

3Kevaka ko sa nanuma, Jiova, nai valavala ca, o cei, Turaga, me bula rawa?

4Ia ka sa tiko kei iko na loloma, mo vakarokorokotaki kina.

5Au sa waraki Jiova, sa wawa na yaloqu, a sa namaka me yaco na nona vosa.

6Sa yadrava vakalevu na Turaga na yaloqu ka vakalailai na nodra yadrava na sabogibogi nai vakatawa: io na nodra yadrava na sabogibogi nai vakatawa.

7Me namaki Jiova ko ira na Isireli: ni sa tiko vua na yalololoma, a sa tiko vua na bula levu.

8Ena vakabulai ira na Isireli ko koya mai na nodrai valavala ca kecega.