Meke 128 - AI VOLA TABU（FIJ1864）

A veivakalougatataki sa daumuri ira era sa 140, rerevaka na Kalou.A Meke ni cabecabe.

1SA kalougata ko ira kecega era sa rerevaki Jiova; ko ira era sa lako voli e nona sala.

2Ni ko na kania na cakacaka ni ligamu: o na kalougata, ni ko na vinaka tiko.

3A watimu ena vaka na vaini sa vuavua, e loma ni nomu vale: a luvemu era na vaka na olive, ni sa tiko volita na nomui kanakana.

4Raica, ena kalougata vakaoqo na tamata sa rerevaki Jiova.

5Ena vakalougatataki iko mai Saioni ko Jiova: ia ko na kunea ni sa vinaka tiko ko Jerusalemi e na veisiga kecega ko bula kina.

6Io, ko na raica na luvedra na luvemu: me yaco ga na vakacegu vei ira na Isireli!