Meke 114 - AI VOLA TABU（FIJ1864）

Sa daudokai na Kalou e na ka sa tawa vosa rawa; ia sa kilikili kei ira na nona tamata me ra vakarokorokotaki koya.

1NI sa lako tani mai Ijipita ko ira na Isireli, na mataqali i Jekope maivei ira na tamata era vosa tani;

2a nona yasana tabu ko Juta, a nona matanitu ko ira na Isireli.

3Sa kunea ko na wasawasa, ka dro: ko Joritani sa vakalesui kicake.

4Sa rikarika na veiulu-ni-vanua me vaka na sipi tagane, kei na ulu-ni-koro lalai me vaka na luve ni sipi.

5A cava ka tauvi iko, na wasawasa, ni ko a dro? sei iko, Joritani, ni ko a vakalesui kicake?

6Sei kemudou na ulu-ni-vanua, ni dou a rikarika me vaka na sipi tagane; kei kemudou na ulu-ni-koro lalai, me vaka na luve ni sipi?

7Mo sautaninini, vuravura, e na mata ni Turaga, e na mata ni Kalou i Jekope;

8o koya ka vukica na vatu me drano ni wai, kei na vatu kaukauwa sara mei vurevure ni wai.