Meke 113 - AI VOLA TABU（FIJ1864）

Me vakavinavinaka vua na Kalou ni sa levu, 110. 1-4, ka yalololoma, 5-9.

1DOU ia vei Jiova na vakavinavinaka.

Dou vakavinavinaka, oi kemudou na tamata i Jiova, dou vakavinavinaka ki na yaca i Jiova.

2Me vakarokorokotaki na yaca i Jiova mai na gauna o qo ka yacova na gauna kecega.

3Mai nai cadracadra ni siga ka yacova nai dromudromu ni siga me vakavinavinakataki na yaca i Jiova.

4Sa cecere ko Jiova ki na veimatanitu kecega, kei na nonai ukuuku ki lomalagi.

5O cei sa tautauvata kei Jiova na noda Kalou, o koya sa tiko maicake,

6o koya sa vakamalumalumutaki koya me raica na ka mai lomalagi, kei na ka e vuravura!

7Sa laveta ko koya na dravudravua mai na kuvu-ni-soso, ka vueta na kaisi mai nai sovasova ni benu;

8me vakatikora vata kei ira na turaga, io kei ira na turaga ni kai nona.

9Sa vakatikori koya mai vale sa yava, me marau ni sa vakaluveni. Dou ia vei Jiova na vakavinavinaka.